Misrda kam uchraydigan holat qayd etildi: bir ayol bir vaqtning o‘zida to‘qqiz bolaga homilador ekani ma’lum bo‘ldi. Bu haqda “Al-Arabiya” manbasi xabar berdi.
UZI tekshiruvi paytida shifokorlar kutilmagan manzaraga duch kelgan — ayol qo‘shaloq emas, uchlik ham emas, balki to‘qqiz homila ko‘tarib yurgani aniqlangan. Bu holat tibbiyot jamoasida katta muhokamaga sabab bo‘ldi.
Mutahassislar bunday holat tuxumdon faoliyatini rag‘batlantiruvchi dorilarni nazoratsiz qabul qilish natijasida yuzaga kelgan bo‘lishi mumkinligini aytishmoqda. Bunday homiladorlik ona uchun ham, embrionlar uchun ham jiddiy xavf tug‘dirishi qayd etildi.
Hodisa ota-onani ham, shifokorlarni ham birday larzaga solgan. Tekshiruv paytida chaqaloqlar soni aniqlanganda hamma hayratga tushgan.
Ginekolog Voil al-Bannoning ta’kidlashicha, bu tibbiyotda juda noyob uchraydigan holatlardan biri bo‘lib, unga ko‘p omillar bir vaqtda ta’sir qilgan. Uning fikricha, zamonaviy usullar yordamida embrionlar sonini kamaytirish imkoni bor — bu ona salomatligini muhofaza qilish va qolgan homilalar rivojlanishi uchun muhim.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
