AQSh Davlat departamenti Afg‘oniston pasportiga ega shaxslarga viza berishni vaqtincha to‘xtatdi. Rasmiy bayonotga ko‘ra, bu qaror milliy va jamoat xavfsizligini ta’minlash maqsadida qabul qilingan.
Mazkur chora-tadbir Vashingtondagi Oq uy yaqinida yuz bergan hujum ortidan kuchga kiritildi. Hujum davomida ikki nafar Milliy gvardiya askari jarohatlangan, ulardan biri kasalxonada hayotdan ko‘z yumgan. Hujumni amalga oshirgan shaxs voqea joyida hibsga olingan.
Vaziyatdan kelib chiqib, AQSh Mudofaa vaziri Milliy gvardiya sonini oshirish rejasini ma’lum qildi. Prezident Donald Trampning farmoyishiga asosan, Vashington shahriga qo‘shimcha ravishda 500 nafar askar yuborilishi belgilangan. Mazkur choralar orqali xavfsizlikni kuchaytirish va jamoatchilikni himoya qilish ko‘zda tutilgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
