SpaceX asoschisi Ilon Mask ilgari bergan va’dasini bajardi — Rossiya hududida ruxsatsiz ishlayotgan Starlink qurilmalari bloklanmoqda. Bu haqda Ukraina vitse-bosh vaziri va raqamli transformatsiya vaziri Mixail Fyodorov ma’lum qildi.
Fyodorovga ko‘ra, Starlink'ning "oq ro‘yxat"ga kiritilgan ilk to‘plami faoliyat ko‘rsatishda davom etmoqda, biroq ayrim ruxsat berilgan terminallar vaqtincha ishlamayapti. Vazir bu holatni ro‘yxatning har kuni yangilanib turishi bilan bog‘ladi.
Unga qadar Ilon Mask Rossiya tomonidan Starlink xizmatidan noqonuniy foydalanish holatlarini aniqlash va bartaraf etish bo‘yicha muayyan choralar ko‘rilganini e’lon qilgandi. Uning ta’kidlashicha, bu harakatlar allaqachon natija bera boshlagan.
Shuningdek, Ukraina rasmiylari Starlink’ning frontdagi aloqa vositasi sifatida muhim rol o‘ynayotganini va noqonuniy foydalanishga qarshi texnik nazorat yanada kuchaytirilayotganini bildirgan.
“Zamin”ni Telegramʻda oʻqing!
