Turkiyada futbol maydonida kutilmagan, bir vaqtning o‘zida ta’sirli va “insonchilik bor ekan” degizadigan voqea sodir bo‘ldi. Istanbul havaskorlar ligasining final uchrashuvida “Mevlanakapi Guzelhisar” hamda “Istanbul Yurdum Spor” jamoalari bahs olib borayotgan paytda 22-daqiqada hamma o‘yinni unutib qo‘ydi.
Voqea shunday bo‘lgan: darvozabon to‘pni qattiq zarba bilan oldinga tepadi. To‘p maydon ustidan baland ko‘tarilgan holda uchib o‘tayotgan chag‘alayga tegib ketadi. Qush bexosdan zarbani qabul qilib, o‘sha zahoti hushsiz holda gazonga qulagan.
Maydondagi futbolchilar bir lahzaga “nima bo‘ldi o‘zi?” degandek qotib qolgan. Lekin jamoa sardori G‘ani Katan vaqt yo‘qligini tushundi: u darhol qush yoniga yugurib bordi va nafas olmay qolgan jonivorga hech qanday ikkilanishsiz yurak massaji qila boshladi.
Hamma uchun g‘ayrioddiy ko‘ringan bu manzara finalni butunlay boshqa kayfiyatga burib yubordi: raqobat, hisob-kitob, to‘p — hammasi ikkinchi o‘ringa tushdi. Chunki o‘sha daqiqada maydonda “gol” emas, hayot muhim edi.
Qisqasi, futbol ba’zan faqat o‘yin emasligini, insonlik ham ringda — yo‘q, maydonda bo‘lishini eslatib qo‘yadi. Endi muxlislar ham, futbolchilar ham bu finalni hisob bilan emas, ana shu lahza bilan eslab qolishi aniq.
“Zamin”ni Telegramʻda oʻqing!
