Xomanaiyning sog‘ligi atrofidagi mish-mishlarga Eron javob qaytardi
Eron tashqi ishlar vaziri Abbos Aroqchiy Mojtaba Xomanaiyning sog'ligi yaxshi ekanini va vaziyatni to'liq nazorat qilayotganini ma'lum qildi. Rasmiy bayonotga ko'ra, u davlat boshqaruvi bilan shug'ullanishda davom etmoqda, biroq 8 mart kuni lavozimga tayinlanganidan buyon jamoatchilik oldida ko'rinmagan. 12 mart kuni uning xalqqa yo'llagan ilk murojaati Eron davlat televideniyesi orqali diktor tomonidan o'qib eshittirilgan.
Eron rasmiylari mamlakatning oliy rahbari Mojtaba Xomanaiyning sog‘ligi bilan bog‘liq tarqalgan turli taxminlarga munosabat bildirdi. Eron tashqi ishlar vaziri Abbos Aroqchiy uning sog‘ligi yaxshi ekanini va vaziyatni to‘liq nazorat qilib turganini ma’lum qildi.
Rasmiy bayonotga ko‘ra, Mojtaba Xomanaiy hozirda davlat boshqaruvi bilan shug‘ullanishda davom etmoqda. Shu bilan birga, u 8 mart kuni lavozimga tayinlanganidan buyon jamoatchilik oldida ko‘rinmagan.
12 mart kuni esa uning xalqqa yo‘llagan ilk murojaati Eron davlat televideniyesi orqali e’lon qilingan. Biroq murojaatni shaxsan o‘zi emas, balki televideniye diktori o‘qib eshittirgan.
Avvalroq AQSh prezidenti Donald Tramp Eronning yangi oliy rahbari tirik ekaniga shubha bildirgan edi. Ayrim norasmiy ma’lumotlarga ko‘ra, Mojtaba Xomanaiy uning otasi — ayatolla Ali Xomanaiy hamda oila a’zolari halok bo‘lgan hujum paytida jarohat olgan bo‘lishi mumkin. Biroq bu ma’lumotlar hozircha rasman tasdiqlanmagan.
Shuningdek, AQSh mudofaa vaziri Pit Xegset ham Mojtaba Xomanaiy yaralangan va ehtimol og‘ir jarohat olgan bo‘lishi mumkinligi haqida fikr bildirgan.
Izohlar 0
…