Qatar rasmiylari mamlakatdagi sayyohlar uchun bepul mehmonxonada joylashish dasturini to‘xtatib qo‘yishini ma’lum qildi. Shu munosabat bilan Qatardagi Rossiya elchixonasi sayyohlarga 15 martgacha mamlakatni tark etish yoki mehmonxonalarda qolish muddatini uzaytirish zarurligini eslatgan, deb xabar beradi DW.
Elchixona ma’lumotlariga ko‘ra, rossiyalik sayyohlar uchun Qatar Airways aviakompaniyasining 14 mart kuni soat 11:40 da Moskvaga uchadigan reysi orqali mamlakatni tark etish tavsiya etilgan.
Bundan tashqari, sayyohlar quruqlik orqali “Abu Samra” chegara o‘tkazish punkti orqali jo‘nab ketish imkoniga ega. Keyinchalik ular Saudiya Arabistoni yoki Birlashgan Arab Amirliklari orqali havo yo‘li bilan safarlarini davom ettirishi mumkin.
Eslatib o‘tamiz, Qatar mehmonxonalarda bepul yashash va ovqatlanish dasturini Isroil–AQSh va Eron o‘rtasidagi mojarolar boshlanganidan so‘ng joriy etgan edi. Ushbu dastur to‘xtatilishi sayyohlar uchun yangi tartib va imkoniyatlarni belgilaydi.
“Zamin”ni Telegramʻda oʻqing!
