Amerikalik jurnalist Taker Karlson AQSh va Isroil munosabatlariga keskin tanqid bildirdi. U Netanyaxuning Bayrutdagi terroristik hujumni uyushtirib, Trampning sulh bitimini buzganini aytib, “Biz darhol Isroildan uzoqlashishimiz kerak” deb yozdi.
Karlson, shuningdek, Isroil AQSh ustidan qanday qilib shunchalik katta ta’sirga ega ekanligini so‘radi. “Nima uchun AQSh o‘zining kichik qo‘g‘irchoq davlatiga nisbatan nazoratni o‘z qo‘lida ushlab turolmaydi? Nima uchun bu masala hech qachon muhokama qilinmagan?” – deya jurnalist savol qo‘ydi.
Uning ta’kidlashicha, AQSh ushbu urushga Isroilning talabiga ko‘ra kirgan va hozir Isroilning xatti-harakatlari tufayli undan chiqolmayapti. Karlsonning fikricha, amerikalik siyosatchilar va jamoatchilik bu masalaga jiddiy e’tibor qaratishi lozim.
“Zamin”ni Telegramʻda oʻqing!
