Qozog‘iston Markaziy Osiyoda ilk bor sun’iy yomg‘ir yog‘dirishni boshladi

2 daqiqa o'qish732
Qozog‘iston Markaziy Osiyoda ilk bor sun’iy yomg‘ir yog‘dirishni boshladi
QisqachaAI yordamida tayyorlanganKo‘rsatish
  • Qozog‘iston Turkiston shahrida sun’iy ravishda yog‘ingarchilik chaqirish texnologiyasini amaliyotga tatbiq etgan Markaziy Osiyodagi birinchi mamlakatga aylandi.
  • Ushbu loyiha Turkiston viloyatining 911 ming gektardan ortiq unumdor va haydaladigan maydonlarini suv taqchilligi hamda qahatchilikdan asrashga qaratilgan bo‘lib, BAA Milliy meteorologiya markazi bilan hamkorlikda amalga oshirilmoqda.

Qo‘shni Qozog‘istonning ko‘hna va navoiyxon Turkiston shahrida mintaqamiz uchun mutlaqo yangi va inqilobiy bo‘lgan ekologik loyihaga start berildi. Mahalliy ommaviy axborot vositalarining xabar berishicha, qardosh davlat sun’iy ravishda yog‘ingarchilik chaqirish texnologiyasini amaliyotga tatbiq etgan Markaziy Osiyodagi birinchi mamlakatga aylandi.

Yuqori martabali mehmonlar ishtirokidagi taqdimot

Ushbu tarixiy tizimning ishga tushirilish marosimi xalqaro miqyosda yuqori darajada tashkil etildi. Tadbirda Qozog‘iston Bosh vaziri o‘rinbosari – Sun’iy intellekt va raqamli rivojlanish vaziri Jaslan Madiyev, BMT Butunjahon meteorologiya tashkiloti rahbari hamda BAA Milliy meteorologiya markazi bosh direktori Abdulloh Ahmad Al-Mandus, shuningdek, Amirliklarning Qozog‘istondagi elchisi Muhammad Said Muhammad Al-Ariqiy va viloyat hokimi Nuralxon Kusherov ishtirok etdi.

Million gektarga yaqin yer ob-havo injiqliklaridan himoyalanadi

Yangi loyiha Turkiston viloyatining 911 ming gektardan ortiq unumdor va haydaladigan maydonlarini suv taqchilligi hamda qahatchilikdan asrashga qaratilgan. Mazkur zamonaviy tizim iqlimni sun’iy o‘zgartirish bo‘yicha dunyoda boy tajribaga ega bo‘lgan Birlashgan Arab Amirliklari Milliy meteorologiya markazi bilan yaqin hamkorlikda hayotga tatbiq etilmoqda.

«Qozog‘iston iqlim barqarorligini ta’minlash yo‘lida dadil qadam tashlamoqda. Bunday ulkan tashabbus mintaqamizda birinchi bor kuzatilyapti. Bu biz uchun ilm-fan, xalqaro do‘stlik va raqamli yechimlarga asoslangan yangi iqlim infratuzilmasining debochasidir», — deya ta’kidladi Jaslan Madiyev.

Xalqaro tajriba va xavfsizlik

Jahon tahlillari shuni ko‘rsatadiki, sun’iy ravishda bulutlarga ta’sir ko‘rsatish yo‘li bilan yomg‘ir miqdorini 10 foizdan 20 foizgacha oshirish mumkin. Ayni paytda bu usuldan AQSH, Xitoy, BAA, Fransiya va Saudiya Arabistoni kabi rivojlangan davlatlar unumli foydalanib kelmoqda.

Ko‘pchilikni xavfsizlik masalasi qiziqtirishi tabiiy. Mutaxassislarning tinchlantirishicha, ushbu texnologiya faqatgina mahalliy xususiyatga ega bo‘lib, ta’sir doirasi 5 kilometrdan oshmaydi. U global ob-havoga salbiy ta’sir o‘tkazmaydi. Bulutlarga ishlov berishda xalqaro miqyosda xavfsiz deb tan olingan oddiy tuzli reagentlardan foydalaniladi.

Daromad va hosildorlik oshadi

Mazkur inovatsion yechim qishloq xo‘jaligi ekinlarini o‘z vaqtida obihayot bilan ta’minlashga, qurg‘oqchilik keltiradigan millionlab zararlarning oldini olishga xizmat qiladi. Hisob-kitoblarga ko‘ra, loyihaning yillik sof iqtisodiy samarasi naq 35 milliard tengeni tashkil etishi kutilmoqda.

Sizningcha, O‘zbekistonning suv taqchil bo‘lgan hududlarida ham mana shunday sun’iy Yomg‘ir yog‘dirish texnologiyasini joriy etish vaqti keldimi?

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?