19:03 / 02.07.2015
13 443

Taybeyda qulagan samolyot uchuvchisining so‘nggi so‘zlari e’lon qilindi

Taybeyda qulagan samolyot uchuvchisining so‘nggi so‘zlari e’lon qilindi
Tayvan aviasiya xavfsizligi kengashi 2015 yil fevralida yuz bergan ATR-72-600 samolyoti halokati bo‘yicha hisobotni taqdim etdi. Bu haqda «Meduza»ga asoslanib «Daryo» nashrining xabar berishicha, idora saytida parvoz stenogrammasi e’lon qilingan.

Ma’lum bo‘lishicha, halokatga uchragan samolyot uchuvchisi aytgan so‘nggi gap quyidagicha bo‘lgan: «Vau, men adashib boshqa dvigatelni o‘chirib qo‘yibman».

Samolyot 2015 yil 4 fevral kuni qulagan edi. Layner bortida 58 kishi bo‘lgan. Parvoz vaqtida samolyotning o‘ng dvigateli ishlamay qolgan. «Qora quti»da qayd etilishicha, uchuvchi ishlamayotgan dvigatelni o‘chirish o‘rniga normal ishlab turgan chap dvigatelni o‘chirib qo‘ygan.

Biroq uchuvchi so‘nggi lahzaga qadar boshqa dvigatelni o‘chirib qo‘yganini tushunmagan. Rejalashtirish o‘rniga, uchuvchi dvigatel ishlamay qolgan vaqtlarda amalga oshirish taqiqlangan harakatni amalga oshirgan – samolyot old qismini yuqoriga ko‘targan. Aviahalokat oqibatida 33 kishi, jumladan, har ikkala uchuvchi halok bo‘lgan.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)