Pokistonning Muzaffargoh shahrida yashovchi va o‘z nikohidan norozi bo‘lgan ayol o‘z turmush o‘rtog‘ini o‘ldirishni maqsad qilib, birgina erini emas, yana 14 kishini zaharlab o‘ldirib qo‘ydi. Bu haqda “Qalampir.uz” nashri xabar bermoqda.
Voqea aslida o‘tgan haftada sodir bo‘lgandi, ammo bu haqda oradan bir necha kun o‘tibgina OAVlarda e’lon qilindi.
Panjob shtatida yashovchi 21 yoshli Osiyo Bibi bir oycha avval majburlab Amjad Lashariga uzatilgan edi. Jinoyatga qo‘l urgan kelinchak avvalroq boshqa yigitga ko‘ngil qo‘ygan ekan... Shu sababdan bo‘lsa kerak nikohdan so‘ng Osiyo turmush o‘rtog‘i hamda uning qarindoshlari bilan tez-tez janjallashib turgan.
Ma’lumotlarga qaraganda, Osiyo “xushtori” Shahid bilan Amjadni o‘ldirish rejasini tuzadi. 21 yoshli yosh kelinchak o‘z turmush o‘rtog‘iga atalgan sut ichiga kalamush zaharidan qo‘shadi.
Lekin vaziyat kutilmaganda boshqa tarzda tus oldi...
Amjad Lashari sutni ichishni xohlamagach, uning onasi sutdan yogurt tayyorlashda foydalanadi.
Natijada bundan 5 kun avval, 26 oktyabr kuni mazkur yogurtdan bahramand bo‘lgan 27 kishi zaharlanadi. Ularning 15 nafari, xususan kelinchakning eri Amjad ham oradan birmuncha vaqt o‘tib hayotdan ko‘z yumdi.
Hozirda mazkur hodisaga aloqador deb gumon qilingan Osiyo, uning “xushtori” Shahid va ularning Zarina ismli qarindoshi qo‘lga olingan. Osiyo o‘ziga qo‘yilgan aybni rad etmoqda. Huquq-tartibot organlari xodimlari tergov ishlarini olib bormoqda. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskva aeroportlarida 1000 ga yaqin tojikistonlik qolib ketdi
O‘zbekistonda 30 aprel kuni qanday ob-havo bo‘lishi ma’lum qilindi
Eng yaxshi superfud: ismaloqning foydali xususiyatlari
Putin Germaniyaning Rossiyadagi aktivlarini "Gazprom"ga topshirdi
Gurjiston parlamentida «chet el agentlari» to‘g‘risidagi qonun tufayli mushtlashuv yuz berdi
Ekspert: G‘arb Rossiya g‘alabasidan keyin quvg‘indagi Ukraina hukumatini yaratishi mumkin
Saylovoldi kurashida Tramp Baydenni ortda qoldirmoqda
Amerikalik xonanda Billi Aylish noodatiy fobiyasi haqida so‘zlab berdi