AQSHda “Rossiya bo‘yicha mutaxassis” Karter Peyjning maktubi e’lon qilindi

Amerikaning Time jurnali 3 fevral kuni 2016 yilda AQSH prezidentligiga nomzod Donald Trampning maslahatchisi bo‘lgan Karter Peyjning maktubini e’lon qildi. So‘nggi kunlarda Peydjning ismi maxsus prokuror Robert Myullerning tergovi munosabati bilan OAV xabarlarida tez-tez paydo bo‘lmoqda, deb yozadi Tnews.uz sayti.

2013 yilning 25 avgusti sanasi yozilgan maktubda Peyj o‘z kitobini nashr etuvchilarini Rossiyadagi voqealar haqida xabardor ekanligiga ishontirishga urinadi. “So‘nggi yarim yil mobaynida men o‘z rahbarlarining Sankt-Peterburgda o‘tadigan G-20 sammitiga hisobot tayyorlayotgan (bu hisobotda energetika masalalariga alohida o‘rin ajratilgan) Kreml tahlilchilari jamoasining norasmiy maslahatchisi bo‘lish sharafiga ega bo‘ldim”.

Karter Peyj — kuni kecha Kongressdagi respublikachilar tomonidan e’lon qilingan shov-shuvli memorandumda bosh figura sifatida ko‘riladi. Noma mualliflarining aytishicha, FTB 2016 yilda Peyj ortidan kuzatuv borasida suddan sanksiya so‘rar ekan, idoraning so‘rovi Xillari Klinton saylov shtabida ishlagan ingliz sobiq josusi tomonidan berilgan ma’lumotlarga tayangani bilan bog‘liq faktni oshkor qilmagan.

Ingliz Kristofer Stilning ta’kidlashicha, Peydj 2016 yil iyulda Moskvaga tashrifi chog‘ida Rossiyaning nufuzli amaldori va Putinga yaqin bo‘lgan yana bir inson bilan uchrashgan va Klinton kampaniyasiga qarshi kurashish maqsadida Trampning saylovoldi kampaniyasiga qanday yordam berish masalasini muhokamma qilgan. Peyj bu kabi suhbat o‘tkazganini inkor qilmoqda, Stil esa o‘z manbalarining ismini oshkor qilmadi.

Kongressmen-demokratlar, shuningdek FTB va Bosh prokuraturadagi yuqori lavozimli amaldorlar bayonot berib, respublikachilarning memorandumi hodisalar talqinini buzishini aytishadi. Chunki Peyj ortidan kuzatuv borasidagi sanksiyalar nafaqat Stil taqdim qilgan ma’lumotlarga, balki ko‘plab dalillarga asoslangani aytiladi. “Zamin” yangiliklarini “Facebook”da kuzatib boring