Turkmaniston sharqida mamlakat prezidenti tashrifiga bir oydan beri tayyorgarlik ko‘rilmoqda

Turkmanistonning sharqiy mintaqasi mana bir oy bo‘ldiki, prezident Berdimuhamedovning kelishiga tayyorgarlik ko‘rmoqda. Bundan avval viloyatda xavfsizlik choralari kuchaytirilgani haqida ma’lum qilingan edi.

Xabarlarga ko‘ra, mahaliy savdo nuqtalarida tekshiruvlar amalga oshirildi, shuningdek, mahaliy aholidan ov qurollari olib qo‘yildi. Mintaqa rahbarlari markaziy ko‘chalarda obodonlashtirish ishlarini, jumladan yo‘l qoplamalarini ta’mirlash ishlarini amalga oshirishdi. Prezident korteji o‘tadigan ko‘chalar chetidagi turar joy binolarining fasadlari oq rangga, tomlari esa yashil rangga bo‘yalmoqda.

Muxbirlarning so‘zlariga qaraganda, prezident ishtirokida viloyat markazi Turkmanobod shahrida yangi aeroport ochilishi kutilmoqda.

Manbalarning aytishlaricha, “tadbir” ishtirokchilari tashqi ko‘rinishda tashkilotchilarning talablariga bo‘ysinishlari kerak. Prezidentni kutib oluvchilarning kiyimi asosan oq rangda bo‘lishi kerak. “Zamin” yangiliklarini “Facebook”da kuzatib boring