20:37 / 19.12.2014
6 023

Rublning qadrsizlanishi sabab mehnat muhojirlari Rossiyani ommaviy tark etishmoqda

Rublning qadrsizlanishi sabab mehnat muhojirlari Rossiyani ommaviy tark etishmoqda
Rubl kursining qadrsizlanishi va rus tilini bilishga doir pullik imtihondan o‘tish majburiyati sabab mehnat muhojirlari Rossiyani ommaviy tarzda tark etishmoqda. Bu haqda, Rossiya muhojirlar federasiyasi rahbari Muhammad Aminga asoslanib, Vesti.ru xabar bermoqda.

Aminning “Interfaks”ga ma’lum qilishicha, Yangi yildan so‘ng muhojirlarning 25 foizdan ortig‘i Rossiyani tark etishni va o‘z faoliyatini boshqa mamlakatlarda davom ettirishni rejalashtirmoqda.

“Birinchidan, bunga iqtisodiy vaziyat sabab, ikkinchidan esa, 1 yanvardan boshlab mehnat muhojirlariga doir qonunchilikning qat’iylashatyogani sabab”, – dedi Amin. U Rossiyada qoladigan muhojirlar orasida noqonuniylari ulushi oshishi mumkinligi ehtimolini rad etmayapti.

“Tojikiston mehnat muhojirlari” jamoat tashkiloti raisi Karomat Sharipovning so‘zlariga ko‘ra, mehnat muhojirlari Rossiyada ishlash huquqini qo‘lga kiritish uchun rus tili va Rossiya tarixidan imtihon topshirishlari, imtihonga kirish uchun esa 30 ming rubl to‘lashlari kerak, bu holat esa tojikistonlik mehnat muhojirlarining Rossiyadagi daromadlariga keskin salbiy ta’sir qiladi.

Sharipovning ta’kidlashicha, ko‘plab tojikistonlik muhojirlarning Tojikistonda dollar hisobida, katta foizli kreditlari bor va ular bu kreditlarni qoplashlari uchun boshqa davlatlardan ish topib, mehnat qilishlari shart.

“Ular Iroq, Suriya kabi qaynoq nuqtalarga yo‘l olib, pul ishlab, shu bilan kreditlarni qoplashlari mumkinligini inkor etmayman. Aks holda, kredit ortidan sud ijrochilari kelishadi va ularni qamoqqa tashlashadi”, – dedi Sharipov.

Manba: Kun.uz
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)