Pokistondagi ko‘mir shaxtasida portlash yuz berdi. Qurbonlar 20 kishi…

Pokistonning Belujiston viloyatiga qarashli Kvetta shahridagi ko‘mir konida fojia yuz berdi. Bu yerda gaz portlashi tufayli ko‘mir shaxtasi qulab tushdi. O‘sha mahal konchilar shaxtada o‘z vazifalarini ado etishayotgandi. Shaxta qulashi jami 20 kishini hayotdan olib ketdi. O‘nlab odamlar og‘ir jarohat oldi. Mutasaddilarning xabar qilishicha, yana bir kishi vayronalar ostida qolib ketgan. Qutqaruvchilar konchini yuqoriga chiqarib olish masalasida tezkor harakatlarni boshlab yuborishgan.

Eslatib o‘tamiz, Gruziyada ham yaqinda shaxta qulab tushishi natijasida olti kishi halok bo‘lgan, shuncha odam jiddiy jarohat olgandi.

Manba: Hordiq.uz
“Zamin”ni Telegramʻda oʻqing!