Kataloniya hukumatining yangi a’zolari.
Foto: Getty
Barselonada Kataloniya hukumati ning 13 nafar yangi a’zosi lavozimga kirishishiga bag‘ishlangan marosim bo‘lib o‘tdi. Bu 2017 yil oktyabr oyi oxirida joriy etilgan Kataloniyaning Madrid tomonidan to‘g‘ridan-to‘g‘ri boshqarilishi jarayonini bekor qiladi, deb xabar bermoqda «Daryo».
Kataloniya hukumatining yangi a’zolari o‘z majburiyatlarini qonunga muvofiq bajarishlari haqida navbatma-navbat qasamyod qildi. Hukumat a’zolarining qasamyodlarini Jeneralitet rahbari Kim Torra qabul qildi.
O‘z navbatida, Kim Torra Ispaniyaning yangi bosh vaziri Pedro Sanchesga muzokaralarni boshlashni taklif qildi. «Biz muzokaralar stoliga o‘tirib, tavakkal qilib bo‘lsa-da, bir hukumat bilan boshqa bir hukumat muzokara olib borganidan gaplashib olishimiz kerak», — dedi Torra.
Rasmiy Madrid Kataloniyaning Ispaniya tarkibidan mustaqil bo‘lib chiqish harakatlariga javoban muxtor viloyat ustidan to‘g‘ridan-to‘g‘ri boshqaruvni joriy etgan edi. Shundan so‘ng Kataloniya hukumatining o‘sha vaqtdagi rahbari Karles Puchdemon Ispaniyadan qochgan edi.
Puchdemon besh oy davomida Belgiyada yashirindi, vaqti-vaqti bilan ma’ruzalar o‘qish va munozaralarda qatnashish uchun Yevropaning boshqa mamlakatlariga chiqib turdi. Mart oyida u Xelsinki universiteti (Finlyandiya)da navbatdagi ma’ruzani o‘qib, Belgiyaga qaytayotganida, Germaniyada qo‘lga olindi. Hozirda Ispaniyaga ekstraditsiya qilinishini kutmoqda.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Lukashenko G‘arbga tahdid bilan chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Sariqmi yoki yashil: qaysi turdagi banan foydaliroq?
AQSHning G‘azodagi siyosatidan norozi Davlat departamenti rasmiysi iste’foga chiqdi
Zoir Mirzayev “Telefonsiz maktab”ga 300 mln so‘m mukofot berdi
Ortiqcha vaznli insonlar uchun sog‘lom ovqatlanishning beshta muhim qoidasi
Toshkentda 02 kodli avtoraqamlar taxminan qachon paydo bo‘lishi aytildi