Foto: RIA Novosti / Igor Zarembo
Hindistonning Andxra-Pradesh shtatida yashovchi hamda 74 yoshida ekstrakorporal (sun’iy) urug‘lantirish bilan homilador bo‘lgan ayol egizak qiz farzand dunyoga keltirdi. Bu haqda Hindustan Times nashri xabar berdi.
Shifoxonada ta’kidlanishicha, Erramatti Mangayamma ismli keksa ayolga kesarcha kesish qilingan.
“Operatsiya yaxshi kechdi. Ona ham, chaqaloqlar ham sog‘lom va hech qanday asoratlarga ega emas. Biroq ona oxirgi soatlarda boshdan kechirgan stress holatdan chiqishi uchun intensiv davolash bo‘limiga joylashtirildi”, deb aytgan shifoxona rahbari.
Ta’kidlanishicha, ayol farzandlarini ko‘kragi bilan boqa olmaydi, shu sababli chaqaloqlarga donorlik suti bankidan sut beriladi.
Xabarda aytilishicha, keksa ayol qand kasalligi va gipertenziya kabi muammolarga ega bo‘lmagani sababli homilani ko‘tarib, farzand dunyoga keltira olgan.
Ayol va uning 80 yoshli turmush o‘rtog‘i 1962 yilda turmush qurishgan. Oxirgi 57 yil ichida juftlikning farzand ko‘rishga urinishlari besamar ketgan. Biroq sun’iy urug‘lantirish protsedurasi tufayli 74 yoshli ayol joriy yil yanvarida homilador bo‘la olgan.
Avval sun’iy urug‘lantirish yordamida ona bo‘lgan eng keksa ayol hindistonlik boshqa bir ayol Omkari Panvar bo‘lgan. U ham 2008 yil yozida 70 yoshida egizak farzand dunyoga keltirgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ruslar Abrams tanklarining zaif tomonini topishdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Uchar avtomobil yo‘lovchi bilan birinchi parvozini amalga oshirdi (video)
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Mariya Zaxarova ukrainaliklarni Amerika hindulariga o‘xshatdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Zoir Mirzayev “Telefonsiz maktab”ga 300 mln so‘m mukofot berdi