3 448
AQSH razvedkasi Xitoyda koronavirus bo‘yicha raqamlar kamaytirib ko‘rsatilgan deb hisoblamoqda
Foto: REUTERS
Xitoy koronavirus epidemiyasi bo‘yicha real raqamlarni kamaytirib ko‘rsatgan. Bunday xulosaga AQSH razvedkasi keldi.
Bu haqda Oq uyga AQSH razvedkasi tomonidan topshirilgan hisobotga tayanib Bloomberg axborot agentligi xabar berdi.
Agentlikning hisobot bilan tanishib chiqqan suhbatdoshlarining aytishicha, Xitoy kasallanganlar va vafot etganlar bo‘yicha ma’lumotlarni ataylab to‘liq bermagan. Manbalarning ta’kidlashicha, razvedkaning hisoboti maxfiy bo‘lgani sababli ular uning mazmuni bo‘yicha biror tafsilotlarga berilishmagan. Ularning aytishicha, hisobot o‘tgan hafta AQSH ma’muriyatiga topshirilgan.
Koronavirus avj olishi 2019 yil oxirida Xitoyning Xubey provinsiyasida boshlangandi. Jons Hopkins universiteti ma’lumotlariga ko‘ra, Xitoy umumiy hisobda koronavirusdan kasallanganlar 82 ming, vafot etganlar 3,3 ming nafarligini ma’lum qilgan. Bu orada AQSHda hozirga kelib 189 mingta kasallanish holati va 4 mingdan ko‘proq o‘lim qayd qilingan.
Avvalroq AQSH davlat departamentining immunologiya bo‘yicha mutaxassisi Debora Birks tibbiy doiralar Xitoyning koronavirus bo‘yicha ma’lumotlarini “bu jiddiy bo‘lgan, biroq kimdir kutganchalik darajada emas”, deb talqin qilganini aytgandi. “Ehtimol katta hajmda ma’lumotlar yetmagani sababli biz hozir Italiya va Ispaniyadagi holatni kuzatmoqdamiz”, deb qo‘shimcha qilgan Birks.
19 mart kuni AQSH prezidenti Donald Tramp Xitoy tomonidan koronavirus haqidagi ma’lumotlarning yashirilishi koronavirus pandemiyasining yuzaga kelishiga olib kelganini aytgandi. “Dunyo ular qilgan ishga juda katta haq to‘lamoqda”, deb aytgan Tramp. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Pnevmatik qurollarni o‘z ixtiyori bilan topshirganlar javobgarlikdan ozod etiladi
D vitamini dozasini oshirib yuborishning xavfli oqibatlari
Jizzaxda uchta yuk mashinasi ishtirokida YTH sodir bo‘ldi
Shimoliy Koreya yangi ko‘rsatkichlarga ega ballistik raketani sinovdan o‘tkazdi
“Roma” Shomurodov uchun yana 8 million yevro xarajat qiladi!
“Umra” ziyoratiga borib kelish tartibi takomillashtiriladi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?