3 563
Oshiq yigit tanishgan qizi yashaydigan ko‘chadagi uylarga 100 ta xatni yopishtirib chiqdi
Foto: The Mirror
Angliyaning Nottingemshir grafligining Nottingem shahrida yashovchi yigit bog‘da tanishgan qizni topish uchun qo‘lda 100 ta xat yozgan. Bu haqda The Mirror xabar bermoqda.
Ma’lumotlarga ko‘ra, psixologiya bo‘yicha ta’lim olayotgan talaba Serban Rayya bog‘da Emi ismli qiz bilan tanishadi. Rayyaning aytishicha, ular tezda til topishgan. U yangi tanishini Pik-Distrikt milliy bog‘iga uchrashuvga taklif etgan. Emi esa u bilan xayrlashishdan avval telefon raqamini qoldirgan.
Serban uyga qaytganidan so‘ng Emiga qo‘ng‘iroq qilishga urindi, ammo unga bog‘lanishga imkon bo‘lmadi. Qizni topish uchun 9 soat vaqt sarflab, qo‘lda 100 ta xat yozdi va qiz yashaydigan Kimbolton ko‘chasidagi har bir uy eshigiga yopishtirib chiqdi.
Serban qizning to‘g‘ri raqam berganiga ishonadi, faqat o‘zi uni xato yozib olgan.
«O‘tgan haftada egnimga sariq ko‘ylak va olovrang shim kiyib, bog‘ga borgan edim. Sen bilan tanishishni istadim. Men birgina xato uchrashuvimizga xalaqit berishini istamayman. Shuning uchun ham Kimbolton ko‘chasidagi har bir uyga xat yubordim», — deb yozadi Serban va maktubning so‘ngida telefon raqamini ko‘rsatib, Emidan qo‘ng‘iroq qilishini so‘raydi.
Natijada odamlar Serbanga xat yoza boshladi. Ular talabani tushunishi hamda qo‘llab-quvvatlashini bildirgan. Ular orasidan bir kishi «Emini topishingda omad tilayman. O‘ylaymanki, bu dadil qadam. Bu bilan kunim yaxshi o‘tishiga sababchi bo‘lding», — deb yozdi.
Yana bir notanish odam o‘z xatida «Serban, Emini topdingmi? Bu hikoyang menga tinchlik bermayapti», — degan.
Serbanning sa’y-harakatlariga qaramay, hanuzgacha Emidan hech qanday javob bo‘lmagan. Ammo yigit yaqin vaqtlar ichida Emini topishiga ishonadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Xorazmda Eron korxonalari uchun alohida sanoat zonasi tashkil etilyapti
Kuleba Rossiya qachon muzokaralarda ishtirok etishi mumkinligi haqida gapirdi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi
Toshkent-Andijon pullik yo‘li loyihasi 4,65 mlrd dollarga baholandi
Yana ikki xorijiy kompaniya O‘zbekistonda pullik avtomobil yo‘li qurishga qiziqyapti
Gollivudda ham mashhur bo‘lgan hind aktrisalari (foto)
SSKA ustozi Fedotov Abbos Fayzullayevning jamoaga qaytgani haqida nima dedi?