15:19 / 07.01.2021
2 004

Oq uyning yuqori lavozimli amaldorlari birin-ketin iste’foga chiqa boshladi

Oq uyning yuqori lavozimli amaldorlari birin-ketin iste’foga chiqa boshladi
Foto: EPA-EFE
AQSHning birinchi xonimi Melani Tramp ma’muriyati rahbari Stefani Grishem Vashingtondagi tartibsizliklar ortidan iste’fo berdi. Bu haqda Reuters agentligi xabar qilmoqda.

Agentlikning ma’lumot berishicha, Grishem zudlik bilan lavozimini tark etmoqchi ekanligini aytgan. Shuningdek, Oq uyning ijtimoiy kotibi Riki Niketa va Oq uy matbuot kotibi o‘rinbosari Sara Metyuz ham iste’foga chiqqan.

CNN telekompaniyasining xabar berishicha, bundan tashqari, tartibsizliklar ortidan Donald Trampning xavfsizlik bo‘yicha yordamchisi o‘rinbosari Mettyu Pottinger iste’fo berdi.

Telekanalning bildirishicha, prezidentning milliy xavfsizlik bo‘yicha maslahatchisi Robert O'Brayen, siyosiy muvofiqlashtirish bo‘yicha prezident yordamchisi Kristofer Liddel ham iste’fo berishi mumkin.

Eslatib o‘tamiz, 6 yanvar kuni Trampning tarafdorlari AQSH kongressiga bostirib kirishdi. Keyinroq kuch ishlatish tuzilmalari namoyishchilarni konress binosidan siqib chiqarishdi. Tartibsizliklar vaqtida to‘rt kishi halok bo‘ldi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Oq uyning yuqori lavozimli amaldorlari birin-ketin iste’foga chiqa boshladi