12:06 / 20.01.2021
1 620

Tramp Vashingtonni “yadro jomadonchasi” bilan tark etishi ma’lum qilindi

Tramp Vashingtonni “yadro jomadonchasi” bilan tark etishi ma’lum qilindi
Foto: Reuters
AQSHning amaldagi prezidenti Donald Tramp Vashingtonni Jo Baydenning inauguratsiyasiga bir necha soat qolganda prezident maqomida tark etmoqchi va o‘zi bilan birga “yadro jomadonchasi”ni olib ketadi. Bu haqda CNN telekanali xabar berdi.

Ta’kidlanishicha, Tramp 20 yanvarda Vashingtondan Floridaga ketish uchun “birinchi raqamli bort”dan foydalanmoqchi. Bu esa Trampga “yadro jomadonchasi”ga javobgar harbiy yordamchisi ham hamrohlik qilishini anglatadi.

“Odatda “yadro jomadonchasi” inauguratsiya vaqtida, Bayden qasamyod qabul qilayotganda minbar yonida turadigan boshqa harbiy yordamchiga topshiriladi. Biroq Tramp Vashingtondan Floridaga Bayden inauguratsiyasigacha ketishi sababli chorshanba kuni “jomadoncha” topshirilishi o‘zgacha yuz beradi”, deb ta’kidlab o‘tilgan xabarda.

Turli joylarda kamida ikkita jomadon bo‘ladi, bu esa hokimiyatning ravon topshirilishini ta’minlash uchun muammo bo‘ladi”, deb ta’kidlab o‘tilgan xabarda.

Yadro quroli masalalari bo‘yicha amerikalik tadqiqotchi Stiven Shvarsning tushuntirishicha, keng tarqalgan fikrga zid ravishda, jomadonchada yadro qurolini ishga tushiruvchi tugma ham, kod ham bo‘lmaydi. Biroq unda maxsus qurilma mavjud va AQSH prezidenti zarba berishni buyurishda qo‘llaydigan vakolatlar belgilangan. Bundan tashqari, prezident o‘zi bilan birga uni identifikatsiyalovchi kodni saqlovchi plastik kartaga ega bo‘lishi lozim.

Bayden AQSHning yangi prezidenti sifatida qasamyod qabul qilishi bilan Tramp yadro zarbasi berish bo‘yicha barcha vakolatlardan mahrum bo‘ladi va jomadonda saqlanuvchi barcha kodlar darhol faolsizlashadi. Trampga hamrohlik qiladigan zobit esa “yadro jomadonchasi” bilan birga Vashingtonga qaytadi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)