Amerikalik milliarder dollarning o‘rnini bosishga qodir valyutani ma’lum qildi

^{Foto: Global Look Press}
Xitoy yuani jahon savdosida eng ko‘p ishlatiladigan valyutalardan biriga aylanadi, deb ta’kidladi amerikalik milliarder, Bridgewater Associates investitsiya kompaniyasining asoschisi Rey Dalio. Bu haqda «Izvestiya» xabar berdi.

Dalioning prognozlariga ko‘ra, Xitoyning rasmiy raqamli valyutasi Amerika valyutasiga qaraganda ancha yashovchanligini isbotlaydi.
«Kelajakda odamlar valyutalarni o‘zi tanlaydi va kuchli iqtisodiy poydevorga ega valyutalar raqobatbardosh bo‘ladi, deb hisoblayman. Ko‘p mamlakatlar uchun bu xavfga aylanadi», — dedi Dalio CNBC telekanali bilan bo‘lgan suhbatda.

Tadbirkorning so‘zlariga ko‘ra, AQSH iqtisodiyoti nafaqat yuanning mustahkamlanishi, balki mamlakatdagi ichki muammolar, xususan, amerikaliklarda qarzdorlik darajasining o‘sib borayotgani sababli ham xavf ostida qolishi mumkin.

26 may kuni TeleTrade bosh tahlilchisi Mark Goyxman Rossiya rublining geosiyosatda ijobiy ma’lumotlar va moliya bozorlaridagi xavfga bardoshlilik fonida may oyining oxirigacha mustahkamlanib borishini aytgan edi.

Uning so‘zlariga ko‘ra, Jo Bayden va Vladimir Putinning 15—16 iyun kunlari Jenevada bo‘lib o‘tadigan uchrashuvi haqidagi xabarlardan so‘ng investorlarda umid paydo bo‘ldi.

Yanvar oyida The Economist gazetasi Rossiya rublini dunyoning eng past baholangan valyutasi deb atadi. «Bigmak indeksi»ga muvofiq tahlilchilar shunday xulosaga kelgan. Mutaxassislarning ta’kidlashicha, tadqiqot shuni ko‘rsatdiki, rubl deyarli 70 foizga, tuzatishlarni hisobga olgan holda mamlakatdagi aholi jon boshiga YAIM darajasi bo‘yicha esa deyarli 50 foizga pastroq baholangan. “Zamin” yangiliklarini “Telegram”da kuzatib boring