Pokrovdagi «IK-2» koloniyasi
Foto: AP Photo
Rossiyalik muxolifatchi Aleksey Navalniy Vladimir viloyati Pokrov shahridagi o‘zi jazo o‘tayotgan 2-sonli koloniya rahbariyatini yana sudga berdi, deb yozadi Meduza.
Navalniy 18 noyabr kuni sudga murojaat qilgan. Sud ishi materiallarida da’vogarning vakili sifatida ko‘rsatilgan advokat Vadim Kobzev bu borada hozircha izoh bermagan.
Sudning «TASS» agentligiga ma’lum qilishicha, Navalniy koloniya komissiyasining uni «ekstremistik g‘oyaga e’tiqod qiluvchi, terrorchilik va ekstremistik ruhdagi jinoyatlarni sodir etishga moyil shaxs» sifatida profilaktik hisobga kiritgan qarorini noqonuniy deb topishni so‘ramoqda.
Bu Aleksey Navalniyning Pokrovdagi 2-koloniyaga qarshi to‘rtinchi marta da’vo qo‘zg‘atishi. Iyun oyida Vladimir viloyatidagi Petushinskiy sudi muxolifatchining da’vosini rad etgan. O‘sha arizasida u qochishga moyil shaxs sifatida ro‘yxatga olingani noqonuniy deb topilishini talab qilgandi. Oktabr oyida Navalniy qochishga moyil mahbuslar ro‘yxatidan o‘chirildi, ammo ekstremist va terrorchi sifatida ro‘yxatga olindi. Navalniyning fikricha, «bu yaxshi», chunki endi u kamroq tekshiruvlardan o‘tadi.
«Bu yaxshi yangilik. ‘Ekstremist’ va ‘terrorchi’ deya hisobga olinish ‘qochoq’ kabi charchatmaydi. ‘1976 yilda tug‘ilgan Aleksey Anatolevich Navalniy IK-2, 2-bo‘linma hududida noqonuniy ushlab turilibdi’ iborasini nazarda tutdim. Men bu iborani videoregistratorga 1669 marta aytganman (shu tariqa mahbusning qochib ketmagani har ikki soatda tekshiriladi). Men bundan o‘lguday charchaganman», — deya muxolifatchining so‘zlari keltirilgan uning Instagram sahifasida.
Shuningdek, Aleksey Navalniy «IK-2»ga qarshi yana ikkita da’vo arizasi bilan chiqqan, ulardan birida Navalniy olgan gazetalaridan maqolalar qirqib olingani, ikkinchisida koloniya zobitlari unga Qur’on va Injilni berishdan bosh tortgani ustidan shikoyat qilgan. Oxir-oqibat Navalniy da’volardan voz kechgan, chunki unga so‘ralgan kitoblar berilib, uning gazetalaridan maqolalarni qirqish to‘xtatilgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Navoiyda YPX xodimlari ko‘z oldidagi qoidabuzarlikka ko‘z yumdi
Saudiyadagi forumda G‘azo urushi muhokama qilindi: «Isroilni to‘xtata oladigan yagona davlat – AQSH»
OAV erkinligi reytingi: Dunyodagi vaziyat - oxirgi 10 yildagi eng yomoni
Zaporoje viloyatining Rabotino shahri shimolida Rossiya bayrog‘i ko‘tarildi
AQSH Rossiyani Ukrainaga qarshi kimyoviy qurol qo‘llaganlikda aybladi
“Xufyona iqtisodiyotga qarshi kurash illyuziyasi” — Soliq qo‘mitasining rejalari nega tanqidga uchradi?
Keksayganda ham yosh ko‘rinish uchun qanday hayot tarzini kechirish kerak?
