Rossiyada Facebook va Instagram faoliyati taqiqlandi

^{Foto: AP}
Moskvaning Tver sudi Rossiyada Facebook va Instagram ijtimoiy tarmoqlari faoliyatini taqiqladi. Ta’kidlanishicha, sud qarori darhol kuchga kiradi.

Avvalroq Rossiya bosh prokuraturasi ushbu tarmoqlarga egalik qiluvchi Meta kompaniyasini ekstremistik tashkilot deb topishni so‘rab sudga murojaat qilgandi.

Prokuraturaning qayd etishicha, Instagram yolg‘on ma’lumotlarni o‘chirib tashlash bo‘yicha 4,5 mingdan ortiq talabni bajarmagan.

Ma’lum qilinishicha, sud qarori Meta kompaniyasi egalik qiluvchi WhatsApp messenjeriga nisbatan tatbiq etilmaydi.

Bundan tashqari, kompaniya ijtimoiy tarmoqlaridan foydalanganlik uchun javobgarlik ko‘zda tutilmagan. “Zamin”ni Telegramʻda oʻqing!