Kuningiz muvaffaqiyatli o‘tishi uchun tongda bajarish lozim bo‘lgan 3 ta foydali odat

^{Foto: Mixyfotoworld}
Tong — bu kayfiyatimiz va unumdorligimizni aniqlaydigan kunning asosiy payti. Shuning uchun kunni to‘g‘ri va samarali boshlashimizga sabab bo‘ladigan odatlarga ega bo‘lish muhim sanaladi. Ushbu maqolada biz muvaffaqiyat va farovonlikka erishishimizga yordam beradigan eng foydali ertalabki odatlardan uchtasini ko‘rib chiqamiz.

Barvaqt uyg‘onish va badantarbiya

Erta tongda turish kunni qanday o‘tkazishga tayyorgarlik ko‘rish uchun ko‘proq vaqt ajratish imkonini beradi. Uyg‘onganingizdan so‘ng, tanangiz va aqliy faoliyatingiz uchun ozgina mashq qilish lozim. Jismoniy harakatlar qon aylanishini yaxshilaydi, metabolizmni tezlashtiradi va energiyani oshiradi. Ertalabki badantarbiya kayfiyatni ko‘taradi va diqqatni jamlashga yordam beradi.

Meditatsiya va pozitiv fikrlar

Tongda bajarish foydali bo‘lgan yana bir odat bu ijobiy fikrlar mashqi bo‘lgan meditatsiyadir. “Meditatsiya” atamasi lotincha “meditari”dan olingan bo‘lib, “mulohaza yuritish”, “fikrlab mulohaza qilish”, “g‘oyalar yaratish” degan ma’nolarni anglatadi.

Meditatsiya — bu ma’naviy tozalanishdir. Shuning uchun “Nega meditatsiya kerak?” degan savolga psixologlar shunday javob beradi: ichki dunyomizni biz va atrofdagilarga zarar yetkazishi mumkin bo‘lgan salbiy fikr va hissiyotlardan tozalash uchun kerak. Chunki meditatsiyaning asosiy vazifasi miyani tinchlantirish, insonning ma’naviy va jismoniy holatini yaxshilashdir.

Kunni rejalashtirish va maqsadlarni belgilash

Uchinchi foydali odat — kundalik maqsadlarni belgilash. Har qanday ishni boshlashdan avval, kun davomida bajarilishi kerak bo‘lgan vazifalar ro‘yxatini tuzish va unga amal qilish kerak. Har bir kunimizni rejalashtirish bizga vaqtimizni tartibga solishga yordam beradi. Bunday odat shaxsiy va kasbiy rivojlanishga ham hissa qo‘shadi.

Yuqoridagi uchta ertalabki odatlar muvaffaqiyatli va samarali kunning kalitidir. Darhaqiqat, sog‘lig‘ingiz haqida ham qayg‘urish va parvarishlash muvozanatli turmush tarzi uchun zamin yaratadi. “Zamin” yangiliklarini “Instagram”da kuzatib boring