Hayotda katta mukofot olmoqchimisiz?

Bizning har bir muvaffaqiyatimiz yoki muvaffaqiyatsizligimiz, bu ─ odatlarimiz oqibatidir. Oʻzimizda ongli ravishda shakllantirgan hamda muayyan maqsadni qoʻlga kiritish va shu bilan birga pala-partishligimiz oqibatida yuzaga kelgan ikki xil odat mavjud.

Ushbu odatlarning har ikki turi ham beixtiyor ravishda harakatda boʻladi. Ular xoslik qonuni asosida nazorat qilinadi. Va men bu ikki tamoyilni «koinot tomonidan belgilab berilgan odatlarning kuchi» deb atayman.

Koinot tomonidan belgilangan odatlarning kuchi, bu ─ nazoratning universal vositasidir. Uning barcha qonunlari tabiat tomonidan boshqarilishi muntazam, beixtiyor va tartibli holatga ega. Yulduzlar va sayyoralar aniq va kelishilgandek aylanadi. Har biri oʻzining oʻrni, vaqti hamda makonida harakat qiladi.

Choʻchqayongʻoq, ya'ni, dub mevasidan ─ dub, qaragʻay niholidan doimo qaragʻay oʻsib chiqadi. Siz tabiat hech qachon xato qilmasligini bilasiz, chunki choʻchqayongʻoqdan sirayam qaragʻay, qaragʻay niholidan esa dub oʻsmaydi. Bu yaqqol koʻrinib turgan holatlar. Ammo ular tasodifiy emasligini bilasizmi? Bu voqeaning roʻy berishiga biror narsa majbur qilmadimikan? Ana shu nimadir bizning odatlarimizni barqaror va doimiy harakatlantiruvchi oʻsha kuchdir. Faqat Yaratgan ushbu barqaror odatlarni insonning oʻz orzu-istaklaridan qanoatlanish uchun izn bergan.

Unutmang, bizni, barcha-barchamizni odatlar boshqaradi! Ular muayyan fikr va xatti-harakatlarni takrorlash asosida ong-shuurimizda mustahkamlanadi. Shu sababli biz dunyoviy taqdirimiz, oʻzimizning hayot tarzimiz ustidan nazorat qilishimiz mumkin. Bu shunday chegaragacha etib boradiki, oʻzimizning fikr-oʻylarimizni nazorat qilishimiz mumkin boʻladi. Har bir kishi oʻzida muvaffaqiyatga eltuvchi odatlarni shakllantirishi va rivojlantirishi mumkin. Inson irodasi yomon odatlarni shakllantirishi va rivojlantirishi ehtimoldan xoli emas. Inson irodasi yomon odatlarni buzib barbod etishi, uni yaxshilari bilan almashtirish ham mumkin.

Insondan boshqa har qanday jonli mavjudotning odatlari shu narsaga tayanganki, biz uni instinkt deb ataymiz. U jonzotni chegaralab turadi. Yaratgan esa insonni nafaqat oʻz fikr-oʻylari ustidan hukmron qilib yaratdi, balki unga maqsadga erishish yoʻlida chek-chegarasiz hukm yuritish, yoʻnaltirish va ularni moddiylashtirishni ato etdi. Fikrlar siz oʻylayotgan oʻsha voqelikning libosi kabi uni oʻrab oladi.

Siz ana shu ulugʻ haqiqatga tayanib, donishmandlik eshigini ochasiz va qanday istasangiz, shunday yashashingiz mumkin. Shunday ekan, odatlaringizni muvaffaqiyatingizga xizmat qildiring. Kimki oʻz fikr-oʻylari ustidan hukm yuritib, uni oʻzi tanlagan maqsadni qoʻlga kiritishga yoʻnaltirsa, hayotda katta mukofot oladi. Ammo Yaratganning shuncha ne'matlaridan foydalana olmay, muvaffaqiyatsizlikka uchraganlar shunchalik koʻpki...

Koinot tomonidan oldindan belgilab berilgan odatlar kuchi moʻ'jizalar barpo etmaydi, yoʻq narsadan predmetlar yasamaydi va insonning hayotda belgilangan yoʻldan borishini ta'minlamaydi. Ammo u fikr-oʻylarining voqelikka aylanishiga tabiiy va mantiqiy tarzda yordam beradi va, hatto majbur qiladi.

Siz oʻzingizning eski odatlaringizni qayta koʻrib chiqib, ularni yangilari bilan yaratishga kirishar ekansiz, dastlab muvaffaqiyatga eltuvchi odatdan ish boshlang. Fikr-oʻylaringizni jamlab, xohish-irodangizga koʻra jamlagan muvaffaqiyatlar toʻlqinida suzing. Oʻz vaqtida bu yangi fikr-oʻyga boy odatlar sizni soʻzsiz muvaffaqiyatga olib boradi.


Manba: Xabar.uz “Zamin” yangiliklarini “Telegram”da kuzatib boring