Ahil-inoq bolalarni tarbiyalash uchun nima qilish kerak?

Bolalarni oʻzaro mehr-oqibatli va ahil qilib tarbiyalash uchun quyidagi oddiy tavsiyalarni unutmang:

1. Goʻzal oʻrnak boʻling – bolalar ota-onaning harakatlarini kuzatib oʻsadi. Ular bir-biriga yaxshi muomala qilishni avvalo sizdan oʻrganadi. Siz farzandlaringizga va tugʻishganlaringizga yaxshi muomala qilish bilan oʻrnak boʻling.

2. Birgalikda vaqt oʻtkazing – oilaviy oʻyinlar, suhbatlar, birga dam olish, sayrga chiqish kabilar bolalar orasida yaqinlikni mustahkamlaydi.

3. Adolat qiling – oilada har bir bola oʻzini qadrlangan va teng koʻrilganini his qilishi kerak. Teng munosabat boʻlmasa, rashk va nizolar paydo boʻlishi mumkin. Tenglik oʻlchovda emas, rozilikda boʻlishi kerak.

4. Oʻzaro muammolarni hal qilishni oʻrgating – bolalarga muammolarni suhbat orqali echishni oʻrgating, agressiyadan uzoq boʻlishni targʻib qiling.

5. Ijobiy muhit hozirlang – oiladagi quvnoqlik, hazil-mutoyiba va samimiy muhit bolalar orasidagi aloqani yanada mustahkamlaydi.

6. Har kim hurmat koʻrishi kerak — oilada er-xotin, bolalar — hamma hurmat koʻrishi kerak. Er erman deb ayolini behurmat qilishi farzandlar onasini behurmat qilishiga eshik ochishi mumkin. Yoki ona onaman degan oʻyda bolalarini behurmat qilsa, bolalar ham bir-birini behurmat qiladi. Natijada oila umuman ahillik qolmaydi!

7. Ularni bir-biriga qiyoslamang — bolalarni "opang unday, ukang bunday" deb yaxshilikka chaqirmoqchi boʻlamiz, lekin aslida bu ularga aks ta'sir qiladi. Bu bilan ular oʻzini kamsitilgan his qiladi. Nafaqat bolalar, kattalar ham birovga taqqoslanishni xush koʻrmaydi. Shuning natijasida oradagi ahillik koʻtariladi.

Yodingizda boʻlsin, ahil va inoqlikda oʻsgan bolalar ulgʻayganda ham oʻzaro va boshqalarga nisbatan mehribon boʻladi.

Manba: @GiyosiddinYusuf “Zamin” yangiliklarini “Telegram”da kuzatib boring