Atirgul haqida hayratlanarli 10 ta qiziqarli ma’lumot

Atirgul – sayyoramizning eng maftunkor, eng mashhur va sevimli gullaridan biridir. U nafaqat go‘zallik ramzi, balki muhabbat, samimiyat va romantik his-tuyg‘ularning timsoli sifatida ham qabul qilinadi. Tabassum ulashadigan gullar malikasi haqidagi quyidagi ma’lumotlar sizga albatta manzur bo‘ladi.

1. Atirgul – bir nechta davlatlarning milliy ramzi

Ushbu go‘zal gul AQSH, Eron va Buyuk Britaniyaning rasmiy milliy guli hisoblanadi. Bu gul nafaqat bog‘lar va guldestalarni bezaydi, balki xalqning milliy iftixoriga ham aylangan.

2. Atirgul moyi – yer yuzidagi eng qimmat suyuqliklardan

Tabiiy atirgul moyini tayyorlash juda murakkab jarayon. Bir kilogramm moy olish uchun taxminan 3 tonna gul bargi kerak bo‘ladi. Ushbu moy narxi oltin va platinadan ham yuqori baholanadi.

3. 14 fevral – atirgullar bayrami!
Sevishganlar kuni dunyo bo‘ylab eng ko‘p atirgul sotiladigan sana hisoblanadi. Bu kuni taxminan 3 million dona atirgul xarid qilinadi. Ushbu gullar muhabbat, mehr va izhor timsoli sifatida taqdim etiladi.

4. Atirgul hidi ruhiy sokinlik beradi
Uning yoqimli va tabiiy hidi insonni xotirjamlikka chorlaydi, kayfiyatni ko‘taradi va musbat tuyg‘ular uyg‘otadi. Shu bois uni xushbo‘y tutatqi sifatida ham ishlatishadi.

5. Shekspirning ilhom manbai – atirgul
Atoqli dramaturg Uilyam Shekspir o‘z asarlarida atirgul haqida 50 martadan ortiq yozgan. Uning sharafiga maxsus gul navlari ham yaratilgan.

6. Dunyodagi eng kichik atirgul guruch donasichalik
“S” navli atirgul guruch donasidan ham kichik bo‘lib, o‘ta nozik va ajoyib ko‘rinishga ega.

7. Eng qadimiy atirgul Germaniyada 1000 yildan beri yashab keladi
Xildesxaymdagi sobor devoriga yopishib o‘sgan bu atirgulga taxminan bir ming yil bo‘lgan. U urushda vayron bo‘lgan, lekin ildizdan yana yashnab chiqqan.

8. Yovvoyi atirgul mevalarida S vitamini ko‘p
Yovvoyi gul mevalarida limondan ham ko‘proq S vitamini mavjud. Uning sharbati immun tizimini mustahkamlashga yordam beradi.

9. Rossiyada atirgul modasi 16-asrdan boshlangan
Bu go‘zal gul bilan bog‘larni bezashni Pyotr I va Yekaterina II boshlab bergan. U zamondan buyon atirgul rus madaniyatida muhim o‘ringa ega.

10. Yaponiyaning “Xameleon” atirgullari rang almashtiradi

Bu gulning gajlari ertalab qizil, kechqurun esa oq tusga kiradi. Ushbu rang almashishi tabiatdagi eng go‘zal hodisalardan biri hisoblanadi.

Atirgul – go‘zallik, muhabbat va hayot saodatining timsolidir. U nafaqat ko‘zni, balki qalbni ham yupatadi. Agar siz ham atirgulni yaxshi ko‘rsangiz, endi unga yanada chuqurroq muhabbat bilan boqasiz, shubhasiz. “Zamin”ni Telegramʻda oʻqing!