Lavashdan aql bovar qilmaydigan miqdorda taomlar tayyorlash mumkin! U xamir va nonni osongina almashtiradi, uy bekalariga yaqinlarini noodatiy va mazali gazaklar bilan hayratda qoldirishga yordam beradi.
Qiymadan tayyorlangan sersuv nachinkali ishtahaochar qarsildoq non retseptini ulashamiz. Tez to‘yimli taom tayyorlash kerak bo‘lganda haqiqiy yordamchi.
Masalliqlar:
— 1 ta piyoz;
— 3 ta sarimsoq bo‘lagi;
— 200 g har qanday qiyma;
— tuz, qora murch va qalampirmunchoq - ta’bga ko‘ra;
— o‘simlik yog‘i - 10 g;
— ko‘kat - ta’bga ko‘ra;
— 2 ta yumaloq lavash;
— qattiq pishloq - 50 g.
Tayyorlash tartibi:
Oldindan 2 ta yumaloq lavash tayyorlab qo‘ying. Ulardan birini diametri kichraytirilib, chetlaridan 2 sm kenglikda tasma qirqib olinadi. Kichikroq lavash non uchun "qopqoq" vazifasini o‘taydi.
1-qadam
Tovada yog‘ni qizdirib, mayda to‘g‘ralgan piyozni terib chiqamiz. Qovurish 2 daqiqa. Pressdan o‘tkazilgan sarimsoqpiyozni solib, yana bir necha daqiqa qovuramiz. Qiyma, tuz, murch, qalampirmunchoq solib, aralashtirib turgan holda go‘sht pishguncha qovuramiz. Eng oxirida qiymaga mayda to‘g‘ralgan ko‘katlarni solib aralashtiramiz va tovani olovdan olamiz.
2-qadam
Nonni shakllantiramiz. Toza tovaga (u olovda emas!) katta yumaloq lavash qo‘yamiz, ustiga qirg‘ichdan o‘tkazilgan pishloq sepamiz. Qiymadan nachinka qo‘yamiz. Qiymani mayda lavash bilan yopamiz. Kichik lavashning chetlariga pishloq sepib, katta lavashning chetlari bilan shu pishloqni yopamiz. Taom o‘z shaklini saqlab qolishi uchun nonning ustiga yassi likopcha yopamiz.
3-qadam
O‘rtadagi olovga boshqa tovani qo‘yamiz. Nonni (tarelka bilan birga) to‘ntarib, ehtiyotkorlik bilan ushbu tovaga qo‘yamiz (kichik lavash pastga qaratiladi). Ikki tomonini 3 daqiqadan qovuramiz. Nonni ag‘darish uchun likopchadan foydalaning. Shunda u shaklini saqlab qoladi, asosi esa to‘kilib ketmaydi.
Natijada juda mazali va qarsildoq non hosil bo‘ladi. U tushlik, kechki ovqat va yengil tamaddi uchun juda mos keladi! Yoqimli ishtaha!
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
