Moskva viloyati Pushino shahridan bo‘lgan 11-sinf o‘quvchisi maktabdagi laboratoriya mashg‘uloti paytida tasodifiy ravishda muhim ilmiy kashfiyotga duch keldi. Bu haqda “MK” nashri xabar berdi.
Nikolay Ulikov zamburug‘lar bilan ishlash jarayonida o‘simliklarda mog‘or va boshqa zamburug‘larning o‘sishini to‘xtata oladigan bakteriya shtammini aniqladi. Dars davomida u va sinfdoshlari Petri kosalarida tipratikan qo‘ziqorinini yetishtirishga harakat qilishgan. Qo‘ziqorin yovvoyi tabiatdan olingani sababli u bilan birga muhitga begona mikroorganizmlar ham tushgan.
Bira muddatdan so‘ng, Ulikov Petri kosasida “halo” deb ataladigan steril halqa bilan o‘ralgan kichik bakteriya koloniyasini payqadi. Mazkur hududda boshqa mikroorganizmlar o‘smagani aniqlandi.
Keyingi kuzatishlar shuni ko‘rsatdiki, topilgan bakteriya shtammi zamburug‘lar o‘sishini to‘xtatuvchi modda ajratib chiqaradi. Ana shu modda koloniya atrofida steril zona hosil qilgan.
Ulikovning fikricha, topilma aniq zamburug‘ga qarshi xususiyatga ega bo‘lib, kelgusida ilmiy tadqiqotlar uchun katta qiziqish uyg‘otishi mumkin. Bunday bakteriyalardan qishloq xo‘jaligida ekinlarni zamburug‘li kasalliklardan himoya qilishda, og‘ir kimyoviy vositalarsiz samarali foydalanish imkoni bor.
“Zamin”ni Telegramʻda oʻqing!
