64
Sherzod Kudbiyev: “AAA” reytingdagi tadbirkorlarga soliq tekshiruvi o‘tkazish buyrug‘i shakllantirilmaydi”
Foto: Soliq qo‘mitasi
Tadbirkorlik subyektlarining barqarorlik reytingida “AAA” toifaga ega bo‘lgan korxonalarga soliq tekshiruvi o‘tkazish buyrug‘i shakllantirilmaydi. Bu haqda 13 fevral kuni o‘tkazilgan tadbirkorlar bilan uchrashuvda Soliq qo‘mitasi raisi Sherzod Kudbiyev ma’lum qildi, deya xabar berdi “Daryo”.
O‘zbekistonda joriy yil 1 fevraldan tadbirkorlik subyektlarining barqarorlik reytingi joriy etildi. Reyting doirasida korxonalar to‘rtta toifaga ajratilmoqda. Ulardan “AAA”, “AA” va “A” toifalariga kiruvchi tadbirkorlik subyektlari yuqori barqarorlik reytingidan joy oladi va rag‘batlantiriladi. Xususan, “AAA” toifasidagi tadbirkorlik subyektlari soliq tekshiruvlaridan ozod etiladi.
Sherzod Kudbiyevning aytishicha, yaqin kunlarda yangi tizim to‘liq shaklda ishga tushiriladi.
“Shu haftaning oxirigacha shunday qilamizki, “AAA” reytingdagi tadbirkorlarga nisbatan tekshiruv o‘tkazish to‘g‘risidagi buyruq shakllantirilmaydi. Buyruq ham bizning tizim ichidan chiqadi-ku. Na kameral, na sayyor soliq tekshiruviga, na soliq auditiga xabarnoma ham, buyruq ham shakllanmaydi”, — dedi qo‘mita rahbari.
Ma’lumot uchun, “AAA” toifasiga kiruvchi tadbirkorlik subyektlariga qo‘shilgan qiymat solig‘idan hosil bo‘lgan salbiy farq summasini bir kun muddatda, tekshiruvchilarsiz qaytarib beriladi. Shuningdek, boshqa soliqlardan ortiqcha to‘lov summasi 3 kun ichida qaytariladi. Ularga boshqa yana bir qator imtiyozlar beriladi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH va Yaponiya gipertovushli qurollarni urib tushirish uchun raketa yaratadi
Ukraina bosh vaziri: “Rossiya urush davomida Ukrainada 250 mingdan ortiq turar joy binosini vayron qildi”
Ukraina AQSHdan birinchi navbatda MQ-9 dronlarini yetkazib berishni so‘ramoqda
Bayden: “AQSH butun dunyoda matbuot erkinligi bo‘g‘ilishiga javoban sanksiyalar joriy qilmoqchi”
Kecha O‘zbekiston olimpiya terma jamoasiga g‘alaba uchun nima yetishmadi?
Erkin Komilov Sherali Jo‘rayev bilan o‘tgan yoshligi va Zulxumor Qodirova haqida nimalarni gapirdi?
Ot sporti. Konkur bo‘yicha yana bir turnir o‘tkazildi
5 may kuni respublika hududida kuzatiladigan ob-havo ma’lumotlari