Milliy statistika qo‘mitasi ma’lumotlariga ko‘ra, 2025-yil 1-noyabr holatiga O‘zbekistonda jami 465,9 mingta korxona va tashkilot faoliyat yuritmoqda. Bu ko‘rsatkich mamlakat iqtisodiyotidagi faol tadbirkorlik harakatlaridan dalolat beradi.
Statistikaga ko‘ra, korxonalarning eng katta qismi savdo tarmog‘ida faoliyat yuritmoqda. Ushbu yo‘nalishdagi ulush 32,5 foizni tashkil etadi, ya’ni har uchta korxonadan biri aynan savdo bilan shug‘ullanmoqda.
Qolgan sohalar bo‘yicha taqsimot quyidagicha:
Sanoat – 12,6%
Qishloq, o‘rmon va baliqchilik xo‘jaligi – 7,3%
Yashash va ovqatlanish xizmatlari – 6,4%
Qurilish – 6,4%
Tashish va saqlash – 3,6%
Axborot va aloqa – 2,5%
Sog‘liqni saqlash va ijtimoiy xizmatlar – 2,8%
Boshqa sohalar – 25,9%
Bu raqamlar savdo sohasining nafaqat aholiga xizmat ko‘rsatish, balki ish o‘rinlari yaratishdagi salmoqli o‘rnini ko‘rsatmoqda. Shu bilan birga, sanoat va qishloq xo‘jaligi ham iqtisodiyotda yetarlicha ulushga ega bo‘lib qolmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
