Rossiya makaron mahsulotlari eksporti 2025 yilning dastlabki to‘qqiz oyida keskin o‘sdi. Federal eksport markazi ma’lumotlariga ko‘ra, mamlakat tashqi bozorlarga 154 million dollarlik makaron yetkazib bergan — bu o‘tgan yilga nisbatan 21 foiz ko‘p demakdir.
Asosiy xaridorlar orasida har doimgidek qo‘shni davlatlar oldinda. Belarus 35 foizlik ulush bilan birinchi o‘rinni egallab, yili davomida 54 million dollarlik mahsulot sotib olgan. Bu ko‘rsatkich o‘tgan yildan 43 foiz yuqori.
Qozog‘iston ham yuqori talabni saqlab qolgan — 36 million dollarlik import qayd etilgan. O‘sish sur’ati katta bo‘lmasa-da, 1 foizga baribir oshgan.
O‘zbekiston esa kuchli uchlikni yakunlab, 16 million dollarlik makaron xaridi bilan o‘z import hajmini 19 foizga ko‘paytirgan. Mamlakatdagi barqaror talab Rossiya mahsulotlariga bo‘lgan qiziqish ortganini ko‘rsatadi.
Eksport tarkibida asosiy ulushni qadoqlanmagan makaronlar egallab, umumiy tushumning qariyb 63 foizini tashkil etgan. Tuxumsiz pishirilmagan makaron esa 32 foizlik ko‘rsatkich bilan ikkinchi o‘rinda turibdi.
Federal agroeksport markazi rahbari Ilya Ilyushinning ta’kidlashicha, makaron mahsulotlariga bo‘lgan yuqori talab, Rossiyadagi zamonaviy ishlab chiqarish bazasi va mahsulot turlarining yangilanib borishi eksport imkoniyatlarini yanada kengaytirayotgani bilan izohlanadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
