Rossiyaning tashqi davlat qarzi so‘nggi 20 yil ichida ilk bor 60 milliard dollardan oshdi. Bu haqda RIA Novosti agentligi Rossiya Moliya vazirligining statistik ma’lumotlariga tayanib xabar berdi.
2026 yil 1 fevral holatiga ko‘ra, mamlakat tashqi qarzi 61,97 milliard dollarni tashkil etdi. Bu ko‘rsatkich 2006 yil yanvar oyidagi 76,5 milliard dollarlik rekord darajaga yaqinlashmoqda.
Ma’lumotlarga ko‘ra, 2007 yilga kelib Rossiyaning tashqi qarzi 52 milliard dollarga tushgan va oradan o‘tgan 19 yil davomida u 60 milliard dollardan oshmagan edi.
Bu holat Rossiyaning xalqaro iqtisodiy aloqalari, sanksiyalar ta’siri va global moliyaviy oqimlar fonida e’tiborga molik o‘zgarish sifatida ko‘rilmoqda. Moliya mutaxassislari bu o‘sish sabablari, ichki va tashqi obligatsiyalar, davlat byudjeti taqchilligi kabi omillarni chuqur tahlil qilmoqda.
