2026 yilning yanvar oyida O‘zbekistonga 14 ta xorijiy mamlakatdan jami 2 570 tonna choy olib kirildi. Ushbu import hajmining umumiy qiymati 3,8 million AQSh dollarini tashkil etdi.
Milliy statistika qo‘mitasi ma’lumotlariga ko‘ra, choy importi o‘tgan yilning shu davriga nisbatan kamaygan. Xususan, 2025 yil yanvariga solishtirganda hajm 421 tonnaga qisqargan.
Hisobotda qayd etilishicha, O‘zbekistonga eng katta hajmdagi choy Xitoydan yetkazib berilgan — 2 122 tonna. Shuningdek, Qozog‘iston (123 tonna), Eron (113,4 tonna), Keniya (97,6 tonna) va Indoneziya (41,8 tonna) ham asosiy yetkazib beruvchilar qatoriga kiradi.
Qolgan 72,3 tonna choy esa boshqa davlatlardan import qilingan. Bu ko‘rsatkichlar mamlakatda choyga bo‘lgan talab yuqori bo‘lib qolayotganini ko‘rsatadi.
“Zamin”ni Telegramʻda oʻqing!
