Samarqand viloyati IIB axborot xizmatining xabar berishicha, Jomboy tumanida yashab, tadbirkorlik faoliyati bilan shug‘ullanib kelgan Germaniya fuqarosini o‘ldirgan 5 nafar fuqaroga sud hukmi o‘qilgan.
Ma’lum bo‘lishicha, 2021 yil dekabr oyida Jomboy tumanida tadbirkorlik faoliyati bilan shug‘ullanib kelgan 47 yoshli Germaniya fuqarosi Abdulvahhob Qayumi o‘zi yashab turgan uyda elektr tarmoqlarini sozlash uchun usta chaqiradi. Usta ishlarini bajarib bergach, tadbirkorning uyida ko‘p miqdordagi pullarni ko‘rib fikri buziladi.
Shundan so‘ng, Jomboy tumanida yashovchi shaxs yana to‘rt nafar sherigini yoniga olib Germaniya fuqarosining uyiga bosqinchilik uyushtirishadi.
Bosqinchilar kirish paytida xonadonni elektr tarmog‘idan uzishadi va kuzatuv kameralarini to‘sib qo‘yishadi. So‘ng ichkariga kirib, germaniyalik tadbirkordan pullarni berishni talab qilishadi. Qayumi xonadonida pullar yo‘qligini aytgach, uni do‘pposlab qiynashadi va qo‘l-oyoqlarini sindirib ketishadi.
Oqibatda, og‘ir tan jarohatlari olgan germaniyalik tadbirkor shifoxonaga yotqiziladi. Shifokorlar ko‘rsatgan tibbiy muolajalarga qaramasdan, u vafot etadi.
Xonadondagi kameralarda bosqinchilarning Qayumining hovlisiga kirganlari tasvirlangan kadrlar saqlanib qolgani uchun, IIB xodimlari ularni tezda topib, 2021 yil 26 dekabr kuni qo‘lga qo‘lga olishadi. Bosqinchilarga nisbatan Jinoyat kodeksining bir nechta moddalari bilan jinoyat ishi qo‘zg‘atiladi.
Jinoyat ishlari bo‘yicha Jomboy tumani sudida o‘tkazilgan sud majlisida bosqinchilarning aybi to‘liq isbotlangan. Sud hukmiga ko‘ra jinoyat tashkilotchisi bo‘lgan elektr ustasiga 19 yil, uning jinoiy sheriklaridan uch nafariga 16 yildan 18 yilgacha qamoq jazosi berilgan.
Bundan tashqari, bosqinchilarning niyatini oldindan bilgan holda ularni tadbirkorning uyigacha olib borib qo‘ygan taksichiga 13 yil qamoq jazosi tayinlangan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Yaxshi pishgan va mazali anor tanlashga yordam beradigan tavsiyalar
Donald Tramp 27 yoshli Karolin Levittni Oq uy matbuot kotibi etib tayinlamoqchi
AQSH Isroilning ikki vaziriga sanksiya qo‘llamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
AQSH harbiylari orasida o‘z joniga qasd qilish ko‘paydi
Pashinyan Armanistonning Mustaqillik deklaratsiyani eng katta muammo va fojia deb atadi
Apple dongdor ikki ayfonini rasman eskirgan deb e’lon qildi
Har qanday katta yoshdagi kishi yetuk emas
