Qorasuvda Qirg‘iziston va O‘zbekiston o‘rtasidagi ikkita uyni bog‘lovchi tunnel topildi

^{Videodan kadr}
11 iyun kuni maxsus xizmatlar va chegarachilar O‘sh viloyatining Qorasuv shahridagi uylardan birida tunnel borligini aniqladi. Tunnelga kirish yo‘llari to‘sib qo‘yilgan, deb xabar bermoqda Akipress.

Tergov ma’lumotlariga ko‘ra, uy egasi O‘zbekiston fuqarosi bilan tanish bo‘lgan. 2021 yil sentabrida erkaklar Qirg‘iziston va O‘zbekistonni bog‘laydigan tunnel qazigan. Ular tunnel orqali tovar va valyutani olib o‘tgan.

Qora-Suv shahrida topilgan tunnel uzunligi 170 metr, chuqurligi 13 metrni tashkil qiladi. Yerosti yo‘lini uy egasi qirg‘izistonlik bo‘lgan turar-joy binolaridan birida topishgan.

Qo‘lga olingan shaxs o‘z aybiga iqror bo‘lib, tergov bilan hamkorlik qilishga tayyorligini bildirdi. Tergov davom etmoqda.

Ma’lumot uchun, avvalroq Qorasuvda Qirg‘izistonni O‘zbekiston bilan bog‘laydigan ikkinchi yerosti tunneli topilgan edi.

20 may kuni O‘sh viloyati Qorasuv tumani Telman qishlog‘ida ham Qirg‘izistonni O‘zbekiston bilan bog‘lovchi yerosti tunneli topilgan edi. “Zamin” yangiliklarini “Youtube”da kuzatib boring