Noqonuniy bino fayz keltirmaydi

Fuqarolik ishlari bo‘yicha Rishton tumanlararo sudining 17.09.2021 yil kungi Farg‘ona viloyati, Oltiariq tumani, Yangiqo‘rg‘on massivida qarzdor M.Ubaydullayev tomonidan o‘zboshimchalik bilan qurilgan bino inshootlarni qarzdor xisobidan buzdirish to‘g‘risidagi ijro hujjati Byuroning Oltiariq tuman bo‘limi ish yurituviga 23.10.2021 yilda kelib tushgan va majburiy ijroga qaratilgan.

Qarzdor M.Ubaydullayev ijro harakatlarini amalga oshirishi, sud hujjatida ko‘rsatilgan bino-inshootlarni buzilishi yuzasidan bir necha marotaba rasmiy ravishda ogohlantirilishiga qaramasdan, ijro hujjatlari talabini ixtiyoriy ravishda bajarishdan bo‘yin tovlab kelgan.

Qarzdorga bino-inshootlarni buzish yuzasidan majburiyat yuklatilgan bo‘lishiga qaramasdan, ijro hujjati qarzdor tomonidan ixtiyoriy ravishda ijro etilmaganligi sababli, 21.06.2022 yil kuni qarzdor yashab kelayotgan manzilda hamkor tashkilotlar ishtirokida majburiy ijro harakatlari tayinlangan.

Olib borilgan majburiy ijro harakatlari davomida o‘zboshimchalik bilan qurilgan bino inshootlar qarzdor tomonidan majburiy tartibda buzdirildi va ijro hujjati ijrosi amalda to‘liq ta’minlandi.