10:43 / 27.06.2022
4 102

Shahnoza Mirziyoeva Rossiyada nomzodlik dissertatsiyasini yoqladi (foto)

Shahnoza Mirziyoeva Rossiyada nomzodlik dissertatsiyasini yoqladi (foto)
24 iyun kuni Oʻzbekiston Respublikasi Prezidenti Shavkat Mirziyoevning kenja qizi Shahnoza Mirziyoeva A.I.Gertsen nomidagi Rossiya davlat pedagogika universitetida nomzodlik dissertatsiyasini muvaffaqiyatli himoya qildi. Bu haqda uning oʻzi ijtimoiy tarmoqdagi sahifasida ma'lum qildi.

© @Shahnoza Mirziyoeva/Instagram
Kuni kecha (24 iyun kuni – tahr.) men soʻnggi toʻrt yildan buyon erishishga harakat qilib kelayotgan voqea – fan nomzodi ilmiy darajasini olish uchun dissertatsiya himoyasi boʻlib oʻtdi. A.I.Gertsen nomidagi Rossiya davlat pedagogika universitetida dissertatsiya himoya qilish men uchun katta sharaf va mas'uliyat boʻldi. Taniqli olimlarning yirik auditoriyasi oldida soʻz bilan chiqqanimda hayajonlandimmi? Ha, albatta, busiz boʻlishi mumkin ham emas edi, lekin natijada hayajonni yengishga muvaffaq boʻldim. Bu uzoq yoʻlimda meni qoʻllab-quvvatlagan barchaga oʻzimning samimiy minnatdorchiligimni bildiraman!”, deya yozib qoldirdi Shahnoza Mirziyoeva.

© @Shahnoza Mirziyoeva/Instagram
Shahnoza Mirziyoevaning turmush oʻrtogʻi Otabek Umarov ham ijtimoiy tarmoqdagi sagʻifasi orqali ayolining erishgan muvaffaqiyati bilan tabrikladi.

© @Shahnoza Mirziyoeva/Instagram
Men hamma narsadan ham eng yaqin insonlarim — turmush oʻrtogʻim va farzandlarimizning yutuqlari bilan faxrlanaman. Kuni kecha Shahnoza Mirziyoeva nomzodlik dissertatsiyasini muvaffaqiyatli himoya qildi va bu haqiqatan ham oilamiz hayotida katta voqea. Azizam, senga muvaffaqiyat, yangi marralar va yutuqlar tilayman!”, deya yozib qoldirdi Otabek Umarov.

© @Shahnoza Mirziyoeva/Instagram
Eslatib oʻtamiz, Shavkat Mirziyoevning toʻngʻich qizi, Milliy mass-mediani qoʻllab-quvvatlash va rivojlantirish jamoat fondi Vasiylik kengashi raisining oʻrinbosari Saida Mirziyoeva M.V.Lomonosov nomidagi Moskva davlat universitetida iqtisodiyot boʻyicha dissertatsiya yoqlagan edi.

© @Shahnoza Mirziyoeva/Instagram

© Otabek Umarov/Instagram
Ctrl
Enter
Xato topdIngizmi
Iborani ajratib Ctrl+Enter tugmasini bosing
Yangiliklar » Jamiyat