O‘zbekistonda o‘tish ballini abituriyentlarning 46,9 foizi to‘play olmadi

2 daqiqa o'qish420
O‘zbekistonda o‘tish ballini abituriyentlarning 46,9 foizi to‘play olmadi
O‘zbekiston OTMlariga 2024 yilgi kirish imtihonlarida abituriyentlarning 46,9 foizi o‘tish ballini to‘plolmadi. Bu haqda huquqshunos va bloger Xushnudbek Xudoyberdiyev ma’lum qildi.

Bilim va malakalarni baholash agentligi saytidagi ochiq ma’lumotlariga ko‘ra, 2024 yilda 737 ming 351 nafar abituriyent testga kirgan. Bu o‘tgan yilgiga qaraganda 151 mingga kam.

Testga kirgan abituriyentlarning 345 ming 869 nafari (46,9 foizi) 56,7 balni ham to‘play olmagan. 56,7 dan ko‘proq ball to‘plagan abituriyentlar soni 391 ming 482 nafarni (53,1 foiz) tashkil qiladi.

“O‘tgan yilgi holat bilan solishtirganda ahvolimiz nisbatan yaxshilanibdi. Umuman olganda yildan yilga yaxshi tomonga o‘zgarish bor. O‘tgan yili 49,4 foiz, aniqrog‘i 439 ming abituriyent 56,7 ball ham to‘play olmagandi, joriy yilda bu ko‘rsatkich 2.5 foizga yaxshilandi”, — deydi Xushnudbek Xudoyberdiyev.

2024 yilda eng yomon ko‘rsatkich Sirdaryo viloyatida (51,8 foiz), nisbatan yaxshiroq natija esa doimgidek Toshkent shahrida (35,9 foiz) qayd etilgan.
O‘zbekistonda o‘tish ballini abituriyentlarning 46,9 foizi to‘play olmadi
Foto: Telegram / Xushnudbek.uz
O‘tgan yili 8 ta hududda abituriyentlarning 50 foizdan ko‘prog‘i 56,7 balldan past ball olgandi. Joriy yilda bunday hududlar soni 4 taga tushdi. Jizzax, Navoiy, Qashqadaryo va Toshkent viloyati o‘z natijasini yaxshilab, 50 foizdan pastki chiziqqa o‘ta olgan.

O‘tgan yilga qaraganda natijasini eng ko‘p yaxshilagan 5 ta hudud:
- Toshkent shahri — 4,9 foiz;
- Toshkent viloyati — 4,9 foiz;
- Jizzax — 3.7 foiz;
- Buxoro — 3,5 foiz;
- Sirdaryo — 3,1 foiz.

O‘tgan yilgiga qaraganda natijasi yomonlashgan bironta hudud yo‘q. Hammada o‘sish bor.

“56,7 ball — bu to‘plash mumkin bo‘lgan eng yuqori 189 balning 30 foizi degani. Ya’ni abituriyent hech bo‘lmasa 30 foiz bilimga ega bo‘lsa, ushbu ko‘rsatkichni to‘play oladi. 30 foiz bilim esa reyting tizimidan qiyos olsak, hatto 2 baho ham emas! 1 baho desak to‘g‘ri bo‘lar balki”, — deydi Xushnudbek Xudoyberdiyev.

Oliy ta’lim, fan va innovatsiyalar vaziri Qo‘ng‘irotboy Sharipov 8 may kuni o‘tkazilgan matbuot anjumanida OTMlarga kirishdagi 56,7 minimal o‘tish balli 2025 yildan boshlab bosqichma-bosqich oshirish rejalashtirilayotganini ma’lum qilgandi.

“Amalda o‘qishga kirish uchun minimal o‘tish bali barcha yo‘nalishlar uchun 56,7 ball edi. Kelasi yildan bu ball ikki bosqichda oshiriladi. Sog‘liqni saqlash, huquq, biznes va boshqaruv yo‘nalishlari uchun o‘qishga kirish 94,5 balldan, boshqa yo‘nalishlar uchun 75,6 balldan boshlanadi”, — degan edi u.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?