Samarqandda tarixiy tilla tangalarni yashirin olib chiqish fosh etildi

Samarqand xalqaro aeroportida Istanbulga uchayotgan yo‘lovchilardan biri 2 dona qadimiy tilla tangalarni yashirincha olib chiqishga uringan vaqtda bojxona xodimlari tomonidan to‘xtatildi. Bu haqda O‘zbekiston Respublikasi Davlat bojxona qo‘mitasi o‘zining Telegram kanalida xabar berdi.

O‘rganishlar natijasida tangalar 1923 yilda Turkiya Respublikasida zarb qilingan 100 kurush va 65 kurush tilla tangalar ekani aniqlangan. Dastlabki hisob-kitoblarga ko‘ra, ularning umumiy qiymati taxminan 15 million so‘mni tashkil etmoqda.

Eslatib o‘tamiz, O‘zbekistondan yaratilganiga 50 yildan oshgan madaniy boyliklar, shu jumladan numizmatik buyumlarni olib chiqish taqiqlanadi. “Zamin”ni Telegramʻda oʻqing!