Xorazmda drif qilgan haydovchi jazolandi

Xorazmda yo‘lda xuliganlik qilgan haydovchi aniqlanib, jazolandi, deb Nova24.uz xabar berdi.

Viloyat YHXB ma’lumotiga ko‘ra, Cobalt rusumidagi avtomobil haydovchisi yo‘lda xavfli manevr bajarib, avariya holatini yuzaga keltirgan. Uning tanishi esa bu jarayonni yonma-yon harakatlanayotgan mashinadan videoga olgan.

Haydovchi avtomobilni boshqara olmay, yon tomondan harakatlanayotgan mashinaga keskin burilgan. Keyinroq ushbu video fuqaro tomonidan ijtimoiy tarmoqlarda tarqatilgan.

Huquqni muhofaza qiluvchi organlar haydovchini aniqlab, uning avtomobili jarima maydonchasiga olib ketilgan. Haydovchiga ma’muriy bayonnoma rasmiylashtirilib, 128-10-modda (Yo‘lda xuliganlik) asosida ish qo‘zg‘atilgan.

U haydovchilik huquqidan mahrum qilinishi va 25 BRV (9 375 000 so‘m) miqdorida jarimaga tortilishi mumkin. “Zamin”ni Telegramʻda oʻqing!