Shvartsenegger o‘rta yosh inqiroziga qarshi eshak va cho‘chqa boqmoqda

Arnold Shvartsenegger shaxsiy bog‘ida eshak va cho‘chqa boqmoqda, deb Kursiv Uzbekistan xabar berdi. Uning o‘g‘li Patrikning so‘zlariga ko‘ra, 77 yoshli aktyorda hozirda eshak, cho‘chqa, poni, bir nechta it va boshqa hayvonlar bor.

Patrik Shvartsenegger otasining har doim hayvonlarni yaxshi ko‘rganini, so‘nggi yillarda esa ularning soni ortib borayotganini aytdi. Uning fikricha, aktyor bunday yo‘l bilan o‘rta yosh inqiroziga qarshi kurashmoqda. Hayvonlar bilan muloqot uni xotirjam va baxtliroq qiladi.

Patrik otasini yozuvchi Hyu Loftingning mashhur qahramoni — Doktor Dulitlga o‘xshatdi. Bu qahramon hayvonlarni davolaydi va ular bilan gaplasha oladi.

Shvartseneggerning hayvonlar bilan tushgan suratlari tez-tez turmush tarziga oid nashrlarda paydo bo‘lib turadi. Ko‘pchilik uning hayvon tanlovidan hayratda — aktyor va sobiq Kaliforniya gubernatori eshak, cho‘chqa va boshqa noodatiy jonivorlarni boqadi.

61 yoshli teleboshlovchi Rob Lou Shvartseneggerning o‘g‘li bilan suhbat chog‘ida endi o‘zi ham hayvon olishni o‘ylayotganini bildirdi. “Zamin”ni Telegramʻda oʻqing!