60
2025-yil 8–10-iyun kunlari Slovakiya Respublikasi bosh vaziri Robert Fico Prezident Shavkat Mirziyoyevning taklifiga binoan O‘zbekistonga rasmiy tashrif bilan keladi, deb xabar berdi Prezident matbuot xizmati.
Tashrif doirasida Toshkentda ikki davlat rahbarlari o‘rtasida yuqori darajadagi muzokaralar o‘tkaziladi. Unda O‘zbekiston va Slovakiya o‘rtasidagi ko‘p yo‘nalishli hamkorlikni rivojlantirish masalalari muhokama qilinadi.
Muzokaralarda savdo, investitsiyalar, innovatsiyalar, qishloq xo‘jaligi, sanoat, energetika, turizm kabi ustuvor yo‘nalishlarda hamkorlikni kengaytirishga alohida e’tibor qaratiladi.
Shuningdek, mehnat migratsiyasi, madaniy-gumanitar va ta’lim sohalarida hamkorlik masalalari ko‘rib chiqiladi.
Uchrashuv yakunida ikki tomonlama hamkorlikni rivojlantirishga qaratilgan hujjatlar imzolanishi rejalashtirilgan.
Robert Fico tashrif davomida IV Toshkent xalqaro investitsiya forumida ham ishtirok etadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
