O‘zbekistonliklarning 40%i pul jamg‘armagan

O‘zbekiston aholisining qariyb 40 foizi pul jamg‘armagan, deb Uz24.uz xabar berdi. Bu ma’lumot Markaziy bank va Osiyo taraqqiyot banki ko‘magida o‘tkazilgan so‘rovnoma natijalarida qayd etilgan.

So‘rovnoma natijalari aholi orasida pul jamg‘arish odati past darajada ekanini ko‘rsatdi. Faqat 7,4% ishtirokchi moliyaviy muassasalarda jamg‘armaga ega ekanini bildirgan.

Hududlar kesimidagi ma’lumotlar quyidagicha:
. Toshkent shahrida so‘nggi 12 oy ichida mablag‘ jamg‘armaganlar ulushi 25% ni tashkil etgan.
. Qoraqalpog‘istonda esa bu ko‘rsatkich 54% bo‘lib, eng past ko‘rsatkichga ega bo‘lgan.

Pul jamg‘arish odati hudud, ta’lim va bandlik holatiga qarab farqlanadi. Oliy ma’lumotli o‘zbekistonliklarning 27% i pul jamg‘armaydi. “Zamin”ni Telegramʻda oʻqing!