O'zbekiston Respublikasi Prezidenti Shavkat Mirziyoyev yo'l harakati qoidalarini muntazam ravishda buzayotganlarga qarshi yangi va qat'iyroq nazorat tizimi joriy etilishini e'lon qildi. Davlat rahbari yo'llardagi vaziyat jiddiy xavotir uyg'otayotganini ta'kidlab, tartib o'rnatish vaqti kelganini bildirdi, deb UPL.uz xabar berdi.
2024 yilda O'zbekistonda haydovchilar tomonidan 24 millionta qoidabuzarlik sodir etilgan bo‘lib, ularning 81 foizi qo‘pol buzilishlar sifatida baholangan. Eng og'ir vaziyat Samarqand, Qashqadaryo, Toshkent viloyatlari va poytaxtda kuzatilmoqda.
Alohida xavotir uyg'otgan jihat — ijtimoiy tarmoqlarda, jumladan mashhur shaxslar akkauntlari orqali tarqalayotgan “jarima to‘lab, qoida buzish mumkin” degan mas'uliyatsiz qarashdir. Prezident bunday munosabat mutlaqo nomaqbul ekanini qat’iy ta’kidlab, yangi tizim orqali bunga barham berish, haydovchilik madaniyatini oshirish va qoidabuzarlarga qonun kuchini ko‘rsatish zarurligini aytdi.
Yo'l harakati intizomini kuchaytirishga qaratilgan “Sistemali qoidabuzarlar” tizimi doirasida quyidagi o'zgarishlar kiritiladi:
. 1 oy ichida 2 marta qizil chiroqda o‘tish yoki qarama-qarshi yo‘lga chiqish — 1 yilgacha jarima chegirmalari bekor qilinadi.
. 1 oyda 10 yoki undan ortiq qoidabuzarlik — 6 oyga haydovchilik guvohnomasidan mahrum etiladi.
. Tezlikni oshirish uchun jarimalar qayta ko‘rib chiqiladi, 2–3 barobar tezroq harakat qilganlarga haydovchilik huquqidan mahrum qilish jazosi joriy qilinishi mumkin.
Bu choralar haydovchilarda yo‘l harakati qoidalari va boshqa ishtirokchilarga nisbatan hurmat va mas’uliyat hissini shakllantirishga xizmat qiladi.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
