O‘zbekiston Oliy Majlisi Qonunchilik palatasi deputati, “Milliy tiklanish” demokratik partiyasi yetakchisi Alisher Qodirov yaqin orada parlament muhokamasiga kiritilishi mumkin bo‘lgan yangi tashabbus haqida ma’lumot berdi. Unga ko‘ra, yoshi 40–50 yil bo‘lgan avtomobillar bosqichma-bosqich foydalanishdan chiqarilishi taklif etilmoqda, deb UPL.uz xabar berdi.
«Yoshi 40–50 yil bo‘lgan avtomobillarni ekspluatatsiyadan chiqarish juda to‘g‘ri taklif. Hatto 25–30 yillik mashinalarni cheklash ham noto‘g‘ri bo‘lmaydi, deb o‘ylayman. Faqat ularni almashtirish uchun qulay takliflar bo‘lishi kerak», — dedi Qodirov.
Shuningdek, u harakat tezligini joylashuv, vaqt va zaruratga qarab belgilashni taklif qildi.
«Masalan, aholi yashamaydigan, masofa katta bo‘lgan avtomagistralda 130 km/soat tezlikda yurishga nima uchun ruxsat bo‘lmasligi kerak?» — deya savol qo‘ydi deputat. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
