Toshkentda 7 bola hovuzda cho‘kib ketdi, 2 nafari halok bo‘ldi

Toshkent shahridagi hovli hovuzida yuz bergan fojiaviy voqeada 7 nafar bola cho‘kish holatiga uchradi, deb “Uz24” informatsion sayti xabar berdi.

Ulardan ikki nafari tez yordam yetib kelguniga qadar vafot etgan. Qolgan 5 nafar bola Respublika shoshilinch tibbiy yordam ilmiy markazining bolalar bo‘limiga yetkazilgan.

Tibbiy ma’lumotlarga ko‘ra:
. 5 nafar bola jonlantirish bo‘limiga yotqizilgan.
. 3 nafari hushiga kelib, umumiy bo‘limga o‘tkazilgan.
. 2 nafari og‘ir koma holatida qolmoqda.
. Shifokorlar bolalardan biriga 40 daqiqa davomida jonlantirish muolajasi o‘tkazib, yurak urishini tiklagan.

Holat yuzasidan surishtiruv ishlari olib borilmoqda, voqea tafsilotlari hozircha to‘liq aniqlanmagan. “Zamin”ni Telegramʻda oʻqing!