Toshkentda pista ishlab chiqarish korxonasida yong‘in sodir bo‘ldi

O‘zbekiston Respublikasi Vazirlar Mahkamasi huzuridagi Favqulodda vaziyatlar vazirligi matbuot xizmati 11 iyul kuni soat 03:15 da Toshkent shahri, Olmazor tumani, Usta Shirin ko‘chasidagi pista ishlab chiqarish korxonasida yong‘in sodir bo‘lgani haqida xabar berdi.

Bir necha daqiqadan so‘ng, ya’ni soat 03:20 da favqulodda vaziyatlar xodimlari hodisa joyiga yetib borishdi va yong‘inni o‘chirish ishlarini boshladilar. Soat 04:06 da yong‘in mahalliylashtirildi, soat 04:14 da esa to‘liq o‘chirildi. Yong‘inni o‘chirishda 12 ta yong‘in-qutqaruv guruhi va 2 ta maxsus yordam texnikasi qatnashdi.

Hodisa oqibatida jabrlanganlar yo‘q. Hozirda yong‘in sabablari va moddiy zarar miqdori aniqlanmoqda, deb xabar bermoqda Favqulodda vaziyatlar vazirligi matbuot xizmati. “Zamin”ni Telegramʻda oʻqing!