Toshkent shahrida Davlat xavfsizlik xizmati va Iqtisodiy jinoyatlarga qarshi kurashish departamenti tomonidan o‘tkazilgan tezkor tadbir davomida noqonuniy dori vositalari ishlab chiqarilayotgan yashirin sex aniqlanib, uning faoliyati to‘xtatildi, deb yozmoqda Kursiv media.
Tekshiruvlar davomida 11 dona dori ishlab chiqarish uskunalari, 389 kg kukun va tabletkalar, qoliplar, kapsulalar kabi bir qator ashyoviy dalillar olib olindi. Ekspertiza xulosasiga ko‘ra, ishlab chiqarilgan dorilardan «Ursosan», «Neyromidin» va «Fanigan» dorilari qalbakilashtirilganligi ma’lum bo‘ldi.
Shuningdek, dorixonalardan 15 turdagi qalbaki dori vositalari va 14 turdagi muddati o‘tgan dorilar ham topildi. Bu holat salomatlik uchun katta xavf tug‘dirishi mumkin, chunki qalbaki va muddati o‘tgan dorilar odamlar hayoti va sog‘lig‘iga salbiy ta’sir ko‘rsatishi mumkin.
“Zamin”ni Telegramʻda oʻqing!
