O‘zbekistonda aholi uchun qator yo‘nalishlarda qulayliklar yaratilmoqda. Shulardan biri sifatida avtomashina egalariga gaz ballonlar o‘rnatish jarayoni bo‘yicha yangicha tartib yo‘lga qo‘yildi. Endi My.gov.uz orqali ariza berish orqali barcha jarayon soddalashtirildi va fuqarolarning vaqti ham, ortiqcha sa’y-harakatlari ham tejaladi. Bu yangilik nafaqat shofyorlar, balki butun jamiyat uchun muhim ahamiyat kasb etadi, chunki zamonaviy texnologiyalar insonlar hayotini osonlashtirishga xizmat qilayotgani yana bir bor namoyon bo‘ldi.
Yangilangan tartib nima beradi?
Endilikda avtomashinasiga gaz ballon o‘rnatishni xohlagan har bir shaxs avvalgidek turli idoralarga borib hujjat yig‘ishi shart emas. Faqatgina My.gov.uz saytiga kirib onlayn ariza topshirish kifoya. Ariza to‘ldirilgandan so‘ng u to‘g‘ridan to‘g‘ri Yo‘l harakati xavfsizligi xizmatiga (YHXX) yuboriladi. Qolgan jarayonlarni esa YHXX xodimlari o‘zlari amalga oshirishadi.
Hujjatlar ko‘rib chiqilgandan keyin natijalar fuqaroning shaxsiy kabineti orqali taqdim etiladi. Ya’ni, ariza egasi uyidan chiqmagan holdayoq o‘z murojaati bo‘yicha to‘liq ma’lumotga ega bo‘ladi.
Xizmat narxi qancha?
Gaz ballon o‘rnatish uchun ruxsatnoma olish xizmatining rasmiy bahosi ham belgilandi. Uning narxi – 123 600 so‘mni tashkil etadi. Bu esa amaldagi bazaviy hisoblash miqdorining 0,3 qismiga teng.
“Zamin”ni Telegramʻda oʻqing!
